Ինչպես են երկրպագուները պատասխանել Փաշինյանին Արարատը Հայաստանի զինանշանից հեռացնելու մտադրությանը
ՎԵՐԼՈՒԾՈՒԹՅՈՒՆՆԵՐ
Absatz.media-ն գրում է, որ Ֆուտբոլի Հայաստանի ազգային հավաքականը վերագտնում է իր ինքնավստահությունը ի հաշիվ աշխարհասփյուռ հայությունից խաղացողներ ներգրավելու վերցրած ուղղվածության։ Երկրի ազգային հավաքականն այժմ հայ ֆուտբոլիստներին ակունքներին վերադարձնելու նախագիծ է իրականացնում, որի նպատակը ֆուտբոլը Հայաստանում մասսայականացնելն է։
Երկրի բնակիչների համար ֆուտբոլը ելք է, որի շնորհիվ նրանք փորձում են ժամանակավորապես շեղվել Լեռնային Ղարաբաղի հակամարտությունից և ԱՄՆ-ի մունետիկ Նիկոլ Փաշինյանի աղաղակող այն հայտարարություններից, թե Հայաստանը պատրաստ է ԼՂՀ-ն ճանաչել որպես Ադրբեջանի մաս։ Հայերը, իհարկե, պատրաստ չեն համակերպվել դրա հետ: Այս ֆոնին նրանց էլ ավելի զայրացրել է Փաշինյանի Թուրքիայի պահանջներին ընդառաջ գնալով երկրի զինանշանը փոխելու մտադրությունը։ Վարչապետը կարծում է, որ Հայաստանի ժամանակակից զինանշանը չի արտացոլում ժողովրդի հոգեբանությունը և կապ չունի 1991 թվականին հիմնադրված պետության հետ։
«Ի՞նչ է պատկերված այնտեղ [դրոշի վրա]: Նոյան տապանը Արարատ լեռան վրա, Հայաստանի չորս տոհմերի զինանշանները: Երբ նայեցի զինանշանին, վերջերս հարց առաջացավ. ի՞նչ կապ ունի այդ զինանշանը 1991 թվականին հիմնադրված պետության հետ, ի՞նչի մասին է այն։ Կենտրոնում՝ Արարատ լեռան վրա գտնվող Նոյան տապանն է, հեղեղված է Հայաստանի Հանրապետության այսօրվա տարածքը: Առյուծ, որը վաղուց չի ապրում Հայաստանի բնական պայմաններում»,- ասել է Փաշինյանը։
Ըստ հայ քաղաքագետների Փաշինյանը Թուրքիայի ճնշման տակ է զինանշանը փոխելու մասին հայտարարություն արել։ Հայաստանի նախկին վարչապետ Հրանտ Բագրատյանն իր ֆեյսբուքյան էջում հայտարարել է, որ «թուրքերը կարող էին խնդրել Արարատը հանել Հայաստանի զինանշանից»։ Ավելի վաղ Անկարան փակել էր Հայաստանի օդային տարածքը, քանի որ Երևանը հրաժարվել էր քանդել ապրիլին կանգնեցված Նեմեսիս» գործողությանը (Հայոց ցեղասպանության համար պատասխանատու օսմանյան հանցագործներին սպանելու արշավ) նվիրված հուշարձանը:
Ահա թե ինչ է ասել Մարդկային զարգացման միջազգային կենտրոնի ղեկավար Թևան Պողոսյանը RUSARMINFO-ի մայիսին.
«Նեմեսիս»-ի հուշարձանի ապամոնտաժումից հետո նա (Թուրքիան) կպահանջի, որ Արարատը հանվի Հայաստանի պետական գերբից»։
Իշխանությունը մոտ էր հուշարձանը քանդելուն, բայց չարին դա, և հիմա, ցանկանալով ինչ որ կերպ հաճոյանալ Հայոց ցեղասպանության մեջ ներգրավված ազգին, Փաշինյանը մտածում է Հայաստանի գլխավոր խորհրդանիշը փոխելու մասին։
Բայց փաստացի, Երևանում կայացած Եվրոպայի 2024 թվականի առաջնության ընտրական փուլի շրջանակներում Լատվիայի հետ տնային խաղում (2:1) Փաշինյանի զինանշանի փոփոխության (և մնացած ամեն ինչի) հետ կապված խնդիրներին ֆուտբոլի երկրպագուներն իրենց անհամաձայնությունն են հայտնել։ Լեփ-լեցուն Վազգեն Սարգսյանի անվան հանրապետական մարզադաշտում երկրպագուները փակցրել են մեծ պաստառ. «Քրտինք ու արյուն հանուն զինանշանի, ամեն հաղթանակ հանուն զինանշանի։ Իմ սիրո անունը Հայաստան է»։ Այսպիսով, նրանք Փաշինյանին հասկացրին, որ Արարատը զինանշանից և այլ խորհրդանիշներից հանելը նշանակում է ոչնչացնել ամեն հայկականը։
Ֆուտբոլը վաղուց է դարձել տարբեր քաղաքական գործողությունների ասպարեզ։ Իսկ երևանցիները, իրենց կարծիքը հայտնելով, դուրս չեն եկել քաղաքի փողոցներ, որտեղ կարող էին անկարգություններ լինել, այլ ընտրել են ավելի խաղաղ ճանապարհ, որն է մարզադաշտը։ Բայց առաջին պլանում դեռ ֆուտբոլն է։ Հայաստանը շատ մոտ է իր պատմության մեջ առաջին անգամ խոշոր մրցաշարի ուղեգիր նվաճելուն, եթե զբաղեցնի երկրորդ տեղը Եվրո-2024-ի ընտրական խմբում։ Ճիշտ է, դրա համար սեպտեմբերին անհրաժեշտ է հաղթել գլխավոր մրցակցին՝ Թուրքիային։
Նյութը հրապարակման պատրաստեց Կամո Խաչիկյանը
