Հայկական ինքնությունը վտանգված է նաև ԱՄՆ-ում

ԱՄՆ-ն և հատկապես Կալիֆորնիա նահանգը մշտապես եղել է հայ գաղթականների սիրելի վայրերերից մեկը։ Մարդահամարի վերջին տվյալներով միայն Կալիֆորնիայում 900 հազար մարդ է բնակվում, որոնցից մի զգալի մասը՝ 100 հազարից ավելին, ապրում է Գլենդել փոքր քաղաքում։

Հատկապես վերջին շրջանում նահանգի դեմոկրատ իշխանությունների քաղաքականությունը հարուցել է Գլենդելի և Լոս Անջելեսի այլ հայ բնակիչների զայրույթը։ Բանն այն է, որ նույնասեռականների կյանքի մասին պատմող դրվագներ սկսել են ուսուցանել տարրական դպրոցներում՝ փոքր երեխաներին, ընդ որում դա արվում է ստիպողաբար, առանց շատ դեպքերում ծնողներին տեղեկացնելու։

Վերջին շաբաթների ընթացքում առնվազն երկու բողոքի ակցիա է եղել, որի ընթացքում բախումներ են գրանցվել հայ համայնքի ներկայացուցիչների և համասեռամոլների միջև։ Շաբաթներ առաջ բողոքի մեծ ակցիայի ժամանակ 3 մարդ էր ձերբակալվել, իսկ նախօրեին էլ Գլենդելում դպրոցական միասնական շրջանի դեմ բողոքի ակցիայի ժամանակ համասեռամոլների համայնքի մի խումբ պատասխան ակցիա է արել, թեև ոստիկանները շատ դեպքերում միջամտել և պահպանել են հասարակական կարգը, սակայն առանձին բախումներ գրանցվել են և մեկ մարդ ձերբակալված է։

Տարօրինակն այն է, որ Գլենդելի միասնական դպրոցական շրջանի ղեկավարության մեծ մասը ևս ազգությամբ հայեր են, սակայն ստիպված են «պարել դեմոկրատների դուդուկի տակ» և առաջ մղել նույնասեռականների շահերը։ Հայ համայնքի ներկայացուցիչները բողոքի ակցիայի եկել են «Հեռու մնացեք մեր երեխաներից, մենք ենք որոշելու, թե ինչ պետք է սովորեն մեր երեխաները» կարգախոսներով և պաստառներով։

Հայ համայնքի ներկայացուցիչները նշում են, որ այս քայլը հարվածում է ընտանիքի ավանդական արժեքներին, և ԱՄՆ-ում այժմ մեծ թափով առաջ են մղվում համասեռամոլների իրավունքներն, ինչն արդյունքում լրջորեն ազդում է նաև մատաղ սերնդի դաստիարակության վրա։

Նունուֆար Սաֆարյան