«Կարծիք. Վաշինգտոնն արձագանքել է Կրեմլի կողմից Ղարաբաղի վերաբերյալ իր ծրագրերի բացահայտմանը»
ՎԵՐԼՈՒԾՈՒԹՅՈՒՆՆԵՐ
Rossaprimavera.ru–ն գրում է, որ Հայաստանի խորհրդարանի կողմից Հռոմի կանոնադրության վավերացումը նախաձեռնել է հանրապետության կառավարությունն ի պատասխան ռուսական մամուլում Արցախի (Լեռնային Ղարաբաղի) իշխանությունների վրա Ադրբեջանի հետ բանակցություններ ստիպելու համար Վաշինգտոնի ճնշումների մասին տեղեկատվության լուսաբանման: Այդ մասին Telegram-ի իր ալիքում գրել է Քաղաքական տնտեսություն հայկական հետազոտական ինստիտուտի քաղաքագետ Բենիամին Մաթևոսյանը։
«Ի պատասխան ռուսական մամուլում գաղտնազերծված տեղեկատվության, որն է Արցախի իշխանությունների վրա պաշտոնական Վաշինգտոնի ճնշմանը, որպեսզի ստիպեն նրանց բանակցել Ադրբեջանի հետ, Հայաստանի կառավարությունն որոշել է Հռոմի կանոնադրությունն ուղարկել Ազգային ժողով վավերացման», - գրել է նա։
Բացի այդ, բողոքի նոտայի ներկայացումը Հայաստանում Ռուսաստանի դեսպանին կապված «Լաչինի միջանցքի մուտքի կամրջի վրա տեղի ունեցած կասկածելի միջադեպի հետ», որտեղ հայկական կողմը կրակ է բացել ադրբեջանցի զինվորականների վրա, ովքեր փորձել են բարձրացնել Ադրբեջանի դրոշը Հայաստանի տարածքում, քաղաքագետը ևս համարել է լարվածության աճի օղակ։ Նրա խոսքով, դրանում ներգրավված են երկու կողմերի իշխանությունները, ինչի արդյունքում Հայաստանին կարող է բաժին ընկնել Լիբիայի կամ Սիրիայի ճակատագիրը։
«Մնացել է 5, 4, 3... մինչև Հայաստանը վերածվի Սիրիայի, Լիբիայի»,- գրել է նա։
Բացատրելով Հայաստանի իշխանությունների վրդովմունքի կասկածելիությունը քաղաքագետը հիշեցրել է, որ Ադրբեջանն արդեն օկուպացրել է Հայաստանի բազմաթիվ տարածքներ և դրանց վրա բարձրացրել իր դրոշները, սակայն հայկական կողմից ոչ մի կրակոց չի արձակվել։ Նրա խոսքով, ներկայումս հայկական կողմից կրակոցները միայն օգնել են Ադրբեջանին մեծացնել ճնշումն Արցախի վրա, և Հայաստանի իշխանությունները չէին կարող դա չհասկանալ։
«Տեղի է ունեցել մի միջադեպ, որը Բաքվին հիմք է տվել ամբողջությամբ արգելափակել ապրանքների հոսքը միջանցքով, ինչն էլ ավելի մեծ ճնշում է գործադրում Արցախի իշխանությունների վրա, որպեսզի նրանք ընդունեն Բաքվի, Վաշինգտոնի և Փաշինյանի պայմանները և համաձայնվեն հանդիպմանն Ադրբեջանի իշխանությունների հետ «Ադրբեջանի վարչատարածքային միավորի» ներկայացուցչի կարգավիճակում»,- ընդգծել է Մաթևոսյանը։
Փորձագետը համոզված է, որ իր նշած քայլերը համակարգված են Վաշինգտոնի կողմից, և դրանք շատ հստակ ազդարարում են, որ ամերիկացիները չեն հանդուրժի Մոսկվայի միջամտությունն ոչ միայն իրենց պրոտեկտորատի տակ գտնվող Բաքվի և Երևանի բանակցային գործընթացին, այլ նաև չեն հանդուրժի Կրեմլի այլ միջամտությունը։ «Արժե խոստովանել, որ Արևմուտքը գործում է շատ արդյունավետ, որակյալ և նուրբ: Եվ դա արվում է Բաքվի, Անկարայի ու Փաշինյանի հետ ձեռք ձեռքի տված»,- եզրափակել է քաղաքագետը։
Նյութը հրապարակման պատրաստեց Կամո Խաչիկյանը
