Մանո՛ւկ, իջի, ամոթա, խայտառակ չենք լինի՞ հո. տղամարդը սպառնում է ինքնասպան լինել. տեսանյութ
ՊԱՏՄՈՒԹՅԱՆ ԱՅՍ ՕՐԸHenaran.am-ի թղթակիցը տեղեկացնում է՝ Խանջյան 30 հասցեում ՝ նորակառույց բարձրահարկ շենքի մոտ գտնվող վերամբարձ կռունկի վրա կանգնել է 58- ամյա մի տղամարդ, որի տվյալները դեռևս չեն հրապարակվում: Նախնական տվյալներով՝ տղամարդն ունի վարկային պատավորություններ, որոնք չի կարողանում կատարել: Հավելենք՝ ԱԻՆ-ի աշխատակիցները՝ հոգեբանները այս պահին փորձում են զրուցել, բացատրական աշխատանքներ են իրականացնում՝ փորձելով տղամարդուն հետ պահել ինքնասպանության մտադրությունից:
Այժմ դեպքի վայրում է վերոնշյալ տղասմարդու կինը: Նա հեռախոսազրույց ունեցավ ամուսնու հետ՝ նրան խնդրելով, որ վայր իջնի. հետո ֆինանսական խնդիրները կկարգավորվեն. «Մանո՛ւկ, իջի, ամոթա, խայտառակ չենք լինի՞ հո», – ասաց կինը՝ Թամարա Ղազարյանը:
Քիչ անց պարզվեց տղամարդու ինքնությունը. Մանուկ Միսակյան, ամուսնացած է, ունի երեխաներ, տաքսու վարորդ է: Վերջինիս մեքենան վթարվել է, ինչի արդյունքում կուտակվել է շուրջ մեկ միլիոն դրամի վարկ, իսկ տղամարդն այդ վարկային պարտավորությունները կատարել չի կարողանում:
