«Փորձագետ. Հայաստանում աճում է վտանգը տեղի բնակչության համար»
ՎԵՐԼՈՒԾՈՒԹՅՈՒՆՆԵՐ
Smotrim.ru–ն գրում է, որ Մերձավոր Արևելքի և Կենտրոնական Ասիայի երկրների ուսումնասիրության կենտրոնի տնօրեն Սեմյոն Բաղդասարովը պատմել է, թե ինչի կարող է հանգեցնել Թուրքիայի հետ Հայաստանի գործընկերությունը։
«Հասկանալի է, որ հիմնական ուղղությունը, որ մենք հիմա ունենք, Ուկրաինան է, հիմա մենք Անդրկովկասին հասու չենք, սակայն այն, ինչ հիմա այնտեղ տեղի է ունենում, շատ վտանգավոր միտում ունի: Եվ դա առաջին հերթին ներկայիս ղեկավարության քաղաքականությունն է, որն է Հայաստանի Թուրքիայի հետ մերձեցումը: Ես դեմ չեմ որևէ մերձեցման։ Բայց կան հարցեր, և առաջին հարցն այն է, թե դա ի՞նչ կտա հայ ժողովրդին, իսկ երկրորդ հարցը թե ի՞նչ կտա Ռուսաստանին, ի՞նչ սպառնալիքներ կառաջանան: Լսել եմ այնպիսի տերմին, որ Հայաստանի և Թուրքիայի մերձեցումը կհանգեցնի Հայաստանի աջարիզացմանը»,– ասել է նա։
Փորձագետը հիշեցրել է, թե ինչ է նշանակում «աջարացում» հասկացությունը: Աջարիան, ինչպես գիտենք, Վրաստանի մի մասն է։ Բայց բոլորը գիտեն, որ այժմ այնտեղ Թուրքիայի ազդեցությունը կտրուկ աճել է։ Փաստացի, այն, իրավաբանորեն լինելով Վրաստանի կազմում, դարձել է Թուրքիայի տարածք։
«Այսպիսով, Հայաստանում տեղի կունենա հայկական ինքնության ամբողջական ոչնչացում ներկայիս հայկական պետության տարածքում: Չեն լինելու ջարդեր, տեղահանումներ: Հիմա կան ավելի ժամանակակից մեթոդներ, որն է անշարժ գույքի, ակտիվների գնումը և հայ էթնոսի աստիճանական տեղահանումը հայկական պետությունից, դա նաև կհանգեցնի հայ եկեղեցու հետ հարցերի: Դա 5, 10, առավելագույնը 15 տարվա խնդիր է, և հայերը այնտեղից կհեռացվեն»,- ասել է Բաղդասարովը։
Նյութը հրապարակման պատրաստեց Կամո Խաչիկյանը
