Սաուդյան Արաբիայում մահապատժի են ենթարկել երկու բահրեյնցիների՝ զինյալների խմբավորմանը պատկանելու համար

Սաուդյան Արաբիան հայտարարել է, որ երկուշաբթի մահապատժի է ենթարկել երկու բահրեյնցիների այն բանից հետո, երբ նրանք մեղավոր են ճանաչվել զինյալների խմբին պատկանելու մեջ, որը ցանկանում էր ապակայունացնել մերձավորարեւելյան երկու թագավորություններ: Amnesty International-ը նրանց դատավարությունն անվանել է «խիստ անարդարացի», ըստ The Associated Press-ի:

Սաուդյան Արաբիայի ներքին գործերի նախարարության հայտարարության մեջ մահապատժի ենթարկվածները նշվել են որպես Ջաֆար Սուլթան եւ Սադեկ Թամեր:

Amnesty-ն անցյալ տարի հայտնել էր, որ տղամարդիկ ձերբակալվել էին 2015 թվականի մայիսին եւ երեքուկես ամիս պահվել էին առանց արտաքին աշխարհի հետ կապի:

Սաուդյան Արաբիայի հայտարարության մեջ ասվում է, որ Մասնագիտացված քրեական դատարանը երկու տղամարդկանց մեղավոր է ճանաչել Բահրեյնի իշխանությունների կողմից հետախուզվող մի մարդու գլխավորած զինյալ խմբին պատկանելու, քաոս տարածելու եւ պայթուցիկ նյութերի  մաքսանենգության մեջ: Ընդ որում, հայտարարության մեջ չի նշվում ոչ խմբի, ոչ էլ ղեկավարի անունը։