Վրաստանը պատրաստվում է ընդունել ռուս զբոսաշրջիկներին
ՎԵՐԼՈՒԾՈՒԹՅՈՒՆՆԵՐ
Politnavigator.net-ը գրում է, որ վրացական ընդդիմությունն իր բողոքի ակցիաներով չի կարողանա խափանել Ռուսաստանի հետ օդային հաղորդակցության վերականգնումը։ Այդ եզրակացության են քաղաքական փորձագետները, հաղորդում է PolitNavigator-ի թղթակիցը։
Այսպես, ԱՊՀ երկրների ինստիտուտի Կովկասի բաժնի վարիչ Վլադիմիր Նովիկովը նշում է, որ Վրաստանում արևմտամետ ուժերը գործում են ստանդարտ սցենարով։ «Ռուսաստանի հետ հարաբերությունների բարելավման ցանկացած ակնարկ թշնամաբար է ընդունվում։ Դա բացատրվում է նրանով, որ Վրաստանի եվրատլանտյան կուրսը վտանգի տակ է։ Բացի այդ, Մոսկվայից կամ Մոսկվայի նկատմամբ բարեկամական ժեստերը անընդունելի են համարվում ուկրաինական հակամարտության համատեքստում։ Չեմ կարծում, որ նրանց ելույթները որևէ հետևանք կունենան։ Մենք տեսնում ենք, որ հասարակությունը աջակցում է իշխող կուսակցությանը, որը չի ցանկանում առճակատում Մոսկվայի հետ»,- ասել է Նովիկովը «Известия»-ին։
Նման կարծիք է հայտնել նաև ՄԳԻՄՕ-ի Կովկասյան խնդիրների և տարածաշրջանային անվտանգության կենտրոնի առաջատար գիտաշխատող Նիկոլայ Սիլաևը։ «Փաստորեն, 2019 թվականին Ռուսաստանն էր, որ դադարեցրեց թռիչքները, իսկ հիմա վերսկսում է դրանք։ Տարօրինակ կլիներ, եթե Թբիլիսին կանխեր այդ քայլը, քանի որ դա վրացական զբոսաշրջության ոլորտի աշխատակիցներին հնարավորություն կտա լրացուցիչ գումարներ ստանալ։ Ընդդիմությունը, ըստ երևույթին, վերջնականապես դադարել է առաջնորդվել տրամաբանությամբ, գործում է բացառապես ռեֆլեքսների վրա», - ավելացրել է Սիլաևը:
Իր հերթին, «Մոսկովսկի կոմսոմոլեց»-ը գրել է, որ «վրացական հանգստավայրերի գնային քաղաքականությունը ռուսների նկատմամբ կլինի «սիմետրիկ» առաջացած աղմուկին, այսինքն՝ անկեղծորեն գերթանկ»:
Միաժամանակ, ռուսական ընկերություններից մեկի վրացական ուղղության մենեջերն ասել է, որ Վրաստան հասնելն ավելի էժան է նույնիսկ Հայաստանի տարածքով։ «Մոսկվայից Թբիլիսի, օրինակ, Երևանով այսօր 10 տոկոսով էժան է և կես ժամով ավելի արագ։ Քանի դեռ զբոսաշրջային կազմակերպված հոսք չկա, անհատները պետք է ավելի զգույշ լինեն։ Որոշ տեղերում ընդունելությունը կարող է ամենաջերմը չլինել, դրան պետք է հոգեպես պատրաստ լինել։ Եվ հնարավոր է, որ դա ազդի շուկայի գների վրա միայն ռուսներին տեսնելուց Փողը փող է, բայց վրացիները տաքարյուն, զգացմունքային ազգ են, և ամերիկացիները նրանց արդեն քննադատում են, որ թույլ են տալիս թռիչքներ կատարել դեպի Ռուսաստանի Դաշնություն»,- MK-ին տված հարցազրույցում զգուշացրել է մենեջերը:
Հրատարակությունը զրուցել է Փոթի նավահանգստային քաղաքի շրջակայքում գտնվող ափամերձ Գրիգոլեթի գյուղի բնակչի հետ։ Նա ասել է, որ վիզային ռեժիմի վերացումից և օդային հաղորդակցության վերականգնումից հետո վրացիները պատրաստվում են ընդունել ռուս զբոսաշրջիկներին։
«Մենք բոլորս այս պահին շատ զբաղված ենք: Մաքրում ենք մեր հավաբները, որ ձեզ հանձնենք»,- ասել է գյուղացիներից մեկը։
Նյութը հրապարակման պատրաստեց Կամո Խաչիկյանը
