Քաղաքագետ Անդրեյ Կոշկինը պատմել է, թե ինչու Հայաստանի վարչապետի հայտարարությունը Ղարաբաղը չի դարձնում ադրբեջանական
ՎԵՐԼՈՒԾՈՒԹՅՈՒՆՆԵՐ
Fin-journal.info-ն գրում է, որ ըստ քաղաքագետ Անդրեյ Կոշկինի Հայաստանի վարչապետ Նիկոլ Փաշինյանի Ադրբեջանի տարածքային ամբողջականության ճանաչման մասին հայտարարությունը չի լուծում Լեռնային Ղարաբաղի սեփականության հարցը։
«Փաշինյանի հայտարարությունը խորհրդարանում դեռ չի դարձնում Ղարաբաղը ադրբեջանական: Հայաստանում վարչապետի խոսքերից հետո նրա դեմ դուրս է եկել Հանրապետական կուսակցությունը, որն ըստ երևույթին այլ կարծիքի է։ Բաքուն նաև փաստաթղթերի չորս փաթեթ է ուղարկել Երևան խնդրի լուծման իր առաջարկով։ Երևանը երեք նմանատիպ փաթեթ է ուղարկել Բաքու: Երկրորդական հարցերում կարողացել են ընդհանուր եզրեր գտնել, բայց առանցքային հարցում բացարձակապես ընդհանուր եզրեր չկան»,- ասել է փորձագետը։
Նրա կարծիքով ԼՂ-ի պատկանելու հարցը դեռ երկար է անհանգստացնելու այդ տարածաշրջանին։
«Ինձ թվում է, որ այսօր, Ղարաբաղի հարցում պետք չէ հապճեպ եզրակացություններ անել։ Դա բարդ խնդիր է, որը դեռ երկար է անհանգստացնելու այդ տարածաշրջանին և աշխարհաքաղաքական հակառակորդներին։ Կարծում եմ, որ առջևում շատ վերելքներ և վայրէջքներ կան», - ասել է Կոշկինը:
Փորձագետը նաև հավելել է, որ Փաշինյանը քայլ է կատարել Հայաստանի և Ադրբեջանի միջև հարաբերությունների կայունացման ուղղությամբ, ինչն արդեն իսկ կարելի է անվանել առաջ շարժվելու յուրատեսակ մեկնարկ։
Հիշեցնենք, որ Ադրբեջանի նախկին նախագահ Իլհամ Ալիևն էլ հայտարարել է, որ ղարաբաղցի հայերը ստիպված կլինեն ընդունել Ադրբեջանի քաղաքացիություն կամ նոր բնակության վայր փնտրել։
Նյութը հրապարակման պատրաստեց Կամո Խաչիկյանը
