Ում էլ մեղադրեք, մեկ է` այս օրերը հիշվելու են որպես Փաշինյանի դավաճանության շրջան. Մանուկյան
ՔԱՂԱՔԱԿԱՆՈՒԹՅՈՒՆՍեպտեմբերյան, ապա նաեւ Տեղ գյուղի դեպքերը ցույց տվեցին, որ այս կառավարությունն ի վիճակի չի եղել պաշտպանել Հայաստանի տարածքային ամբողջականությունը: Այս մասին այսօր՝ ապրիլի 21-ին, ԱԺ-ում իր ելույթում նշեց ԱԺ «Հայաստան» խմբակցության պատգամավոր Գեղամ Մանուկյանը:
«2022-ի ապրիլի 25-ին մեր գործընկեր Աննա Գրիգորյանը ահազանգում էր, որ Ներքին Հանդ գյուղում թուրքը եկել նստել է ամենավերեւը: ՊՆ-ն փոխանակ հարցը լուծել, սկսեց արդարանալ՝ բ գիտեք, ձմեռն էր, թուրքը գնացել, հետ է եկել, էդ իրենց պոստն է: Արդյունքում երեք կողմից շրջապատված է գյուղը: Ներքին Հանդի բնակիչը իր գյուղի գերեզմանոցում չի կարողանում իր գյուղացուն թաղի»,-ասաց նա՝ հավելելով, որ կառավարության կտարողականում ոչ մի խոսք չկա, թե ինչպես է կառավարությունը կատարել իր սահմանադրական պարտականությունը երկրի տարածքային ամբողջականությունը պաշտպանելու առումով:
«Կառավարությունն ասում է՝ 50 դավաճանության դեպք է եղել: Վերլուծություն եղե՞լ է, թե ինչու են այդ դեպքերը վերջին 2 տարիներին շատացել: Եթե վերլուծություն լիներ, կհասկացվեր, որ այլեւս երկրում կարմիր գիծ չի թողնվել: Մարդիկ տեսնում են, որ ԱԺ-ում կարելի է վեր կենալ ամենավերջին ադրբեջանական թեզերը ասել, արցախցիների վրա մատ թափ տալ, ասել՝ Արցախն Ադրբեջան է: Մարդիկ տեսնում են, որ Ալիեւի հայտարարությունից հետո Հայաստանում հանգիստ կարող են ասել, որ 11 հազար դասալիք է եղել:
Բայց որքան էլ Նիկոլ Փաշինյանը եւ մյուսները ԱԺ ամբիոնից մեղադրեն զինվորականների, տարբեր անձանց մեղադրեք դավաճանության մեջ, ինչքան էլ մեղադրեք, պատմության մեջ այս ժամանակաշրջանը հիշվելու է որպես Նիկոլ Փաշինյանի դավաճանության շրջան»,-ասաց նա:
