Աշխարհաքաղաքական առաջնահերթություններ և նոր պայմաններ
ՎԵՐԼՈՒԾՈՒԹՅՈՒՆՆԵՐ
Russiancouncil.ru-ն գրում է, որ Ռուսաստանի և Արևմուտքի միջև մշտական հակամարտության վերսկսումը բարձրացնում է մեր ռազմական և դիվանագիտական ռեսուրսների այլ ուղղություններով վերաբաշխման հարցը։ Դա առաջին հերթին վերաբերում է, իհարկե, ռուսական ծայրամասի հարավային հատվածին՝ Կենտրոնական Ասիային և Անդրկովկասին։
ԱՊՀ-ում Ռուսաստանի ներկայության «ակտիվների և պարտավորությունների» հարցի քննարկումը հատկապես
է արդիական հաշվի առնելով այն հանգամանքը, որ վերջին մեկ տարվա ընթացքում մեր երկրի տնտեսությունը և պետական կառույցները դրսևորել են արտաքին մարտահրավերներին դիմադրության բարձր աստիճան, իսկ ռազմական ձեռքբերումները դեռ չափազանց տպավորիչ չեն թվում:
Իրականությունն այն է, որ իր արևմտյան սահմաններում Ռուսաստանը հաջորդ երկու տասնամյակների ընթացքում գործ կունենա վտանգավոր և անկայուն իրավիճակների հետ, որոնք հղի են մշտական ռազմական սպառնալիքով։ Արևմուտքի հետ համեմատած, հարավում տիրող իրավիճակը, ընդհակառակը, չպետք է լուրջ անհանգստություն առաջացնի Մոսկվայի համար։ Չինաստանի հետ բարեկամությունը, Իրանի հետ գործընկերությունը և Թուրքիայի հետ գործարար հարաբերությունները, ինչպես նաև օտարերկրյա ներկայությունից զերծ Աֆղանստանը կարող են երաշխիք լինել, որ ԱՊՀ-ի այն տարածաշրջանները, որոնք կապված են Ռուսաստանի հետ, միջնաժամկետ հեռանկարում չափազանց մեծ սպառնալիք չեն լինի Ռուսաստանի անվտանգության համար։
Նյութը հրապարակման պատրաստեց Կամո Խաչիկյանը
