Դաշնակիցը. Երևանը կավարտի Հռոմի ստատուտի վավերացման գործընթացը, որը թույլ կտա Վլադիմիր Պուտինին ձերբակալել Հայաստանի տարածքում
ՎԵՐԼՈՒԾՈՒԹՅՈՒՆՆԵՐ
Bloknot.ru-ն գրում է, որ Երևանը կավարտի Հռոմի ստատուտի վավերացման գործընթացը, որը թույլ է տալիս Վլադիմիր Պուտինին ձերբակալել Հայաստանի տարածքում: Հյուրընկալ հարևանը, փաստացի, ծուղակ է լարում Ռուսաստանի բարձրագույն պաշտոնյայի համար: Հայաստանը հայտարարել է Հաագայի միջազգայինի դատարանի կանոնադրության վավերացման մեկնարկի մասին: Հենց նա է արձակել ՌԴ նախագահ Վլադիմիր Պուտինի ձերբակալության օրդերը։ ԱՄՆ նախագահ Ջո Բայդենն արդեն ասել է, որ Ռուսաստանի ղեկավարի ձերբակալության օրդեր տրամադրելու որոշումը «արդարացված է»։ Բայց դա միանգամայն տրամաբանական է թշնամի երկրի ղեկավարի համար: Հաագայի որոշումն ուղղված է նրան, որ Ռուսաստանին և Ուկրաինային ցանկացած պարագայում թույլ չտա խաղաղություն հաստատել։ Այստեղ ուրիշ դեպք է Հայաստանը։ Արդյո՞ք դաշնակիցը, իմանալով դատարանի նման որոշման մասին, պետք է դադարեցներ Հռոմի ստատուտին միանալու ցանկացած ընթացակարգ։
Պարզվում է, որ ոչ։ Ըստ երևույթին, Երևանում ինչ որ մեկն իսկապես ցանկանում է Վլադիմիր Պուտինին ձերբակալել, եթե նա գա հյուրընկալ հայկական հող: Խորհրդարանի նախագահ Ալեն Սիմոնյանը լրագրողներին ասել է որ Հայաստանում կան մարդիկ, ում պետք է անդամակցելը միջազգային դատարանին: Նա նաև ասել է, որ չի պատկերացնում, թե դատարանի որոշման հիման վրա ինչ գործողություններ կարող են ձեռնարկել այն երկրները, որոնք արդեն իսկ միացել են դրան: «Գործնականում չեմ պատկերացնում, թե ինչ պետք է անի երկիրը։ Անկեղծ ասած, ես չգիտեմ, և չեմ կարող պատասխանել այդ հարցին: Կարծում եմ, որ այդ որոշման մեջ գերակայում է ոչ թե կոնկրետ գործողությունը, այլ իրավաքաղաքական բաղադրիչը»,- ասել է Սիմոնյանը։
Այսինքն ըստ նրա Հայաստանը, միգուցե, չձերբակալի Պուտինին։ Պարզապես նրան դատապարտում է քաղաքական ու իրավաբանորեն։ Ի վերջո, դատարանն իր որոշմամբ գծել է սկզբունքորեն կարևոր մի գիծ, որը մարկերի պես ցույց է տալիս, որ դա դատարան չէ, այլ քաղաքական կազմակերպություն։ Բացի այդ, այն արագորեն է կատարում իր տերերի կամքը։ Գաղտնիք չէ, որ դատարանի որոշումն ի պատասխան Չինաստանի ղեկավարի Մոսկվա կատարած այցի էր, որպեսզի խաչ քաշի Ռուսաստանի և Ուկրաինայի միջև խաղաղության համաձայնագիր կնքելու Պեկինի պլանների վրա: Եվ այդ փաստերից հետո այդ դատարանին անդամակցելը ևս ոչ թե իրավական, այլ քաղաքական որոշում է: Այսինքն ցույց է տալիս, թե բարիկադի որ կողմում ես նախատեսում կռվել: Ստացվում է, որ Հայաստանում մեր «դաշնակիցները» հերթական անգամ ցույց տվեցին, թե որքան է թանկ իրենց հարաբերությունները Ռուսաստանի հետ, այսինքն մենք կվավերացնենք Հռոմի կարգավիճակը, հետո կորոշենք հետագա անելիքները... «Հետաքրքիր է, թե ինչ են անելու այն երկրները, եթե Պուտինը ժամանի այնտեղ: Ես պատկերացում չունեմ, թե ինչպես դա կիրականացվի, ասենք, Կանադայում։ Թող անեն, և ես մեծ սիրով կհետևեմ այդ ամենին»,- ասել է Ալեն Սիմոնյանը։
Իհարկե, Ալենը, ում մասին երկու տարի առաջ տեղական լրատվամիջոցները գրում էին, որ նա փոստով վիբրատոր է պատվիրել, այն չէ, որ բոլոր հայերին է ներկայացնում։ Բայց քանի որ Ալեն Սիմոնյանի նման մարդիկ խորհրդարանում կուսակցական մեծամասնություն են կազմում, և ընդհանուր քվեարկությամբ են ընտրում խոսնակին, նրա հայտարարությունները չեն կարող չազդել երկրների և ժողովուրդների հարաբերությունների վրա։ Եթե Հայաստանի, փաստացի, երկրորդ դեմքն ասում է, որ «մեծ հաճույքով» կհետևի այն գործընթացին, թե ինչպես են փորձելու ձերբակալել Վլադիմիր Պուտինին, ինչպե՞ս կարող ենք այդ դեպքում հարաբերություններ կառուցել նման դաշնակցի հետ։
Նյութը հրապարակման պատրաստեց Կամո Խաչիկյանը
