Միկա Բադալյան. Երևանում ռուսաֆոբիայի ցույցերը հովանավորում է Խոդորկովսկին
ՎԵՐԼՈՒԾՈՒԹՅՈՒՆՆԵՐ
Ukraina.ru–ն գրում է, որ Հայաստանի մայրաքաղաք Երևանում պարբերաբար անցկացվում են ուլտրաազգայնականների ցույցեր և ռուս տեղաբնակների ելույթներ, որոնք դեմ են Ուկրաինայի հատուկ գործողությանը։
Այդ երթերից վերջինի մասին Ukraina.ru-ին պատմել է ռուսամետ ակտիվիստ, հասարակական գործիչ Միքայել Բադալյանը։
-Միկա, խնդրում եմ պատմեք Երևանում հակառուսական ցույցերի գլխավոր կազմակերպիչ «Բևեռ» կուսակցության մասին։
-Ես գիտեմ, որ նրանք հովանավորվում են ԱՄՆ-ից։ 2021 թվականի ընտրությունների ժամանակ նկատվել են ամերիկացի քաղաքական ստրատեգներ, ովքեր օգնել են նրանց այդ ընտրություններում, սակայն նրանք առանձնահատուկ արդյունքի չեն հասել։ Ոչինչ չեն կարողացել անել, քանի որ Հայաստանում «Բևեռին» էական աջակցություն չկա։ Թեև երկրում հակառուսական տրամադրությունները աճում են, «Բևեռը»–ին աջակցողների թիվը չի ավելացել։ Ահա այսպիսի մի բուռ կեղծ արմատականներ, կեղծ ազգայնականներ, որոնք փորձում են լարել իրավիճակը, և հիմա, այն ամենի ֆոնին, ինչ տեղի է ունենում, ապակայունացնել Հայաստանը ներսից։
-Վերջին հանրահավաքում մենք նկատեցինք ռուս վերաբնակիչների։
-Այո, այդպես է, նրանք իրենց հանրահավաքներն անում էին «Բևեռից» առաջ մեկ ժամ տարբերությամբ, ինչը, բնականաբար, երկուսի միաձուլում էր նախատեսում։ Այսօր նույն «Բևեռը» վերաբնակիչներին է օգտագործում այնպես, ինչպես վերաբնակիչները «Բևեռին», քանի որ նույն նպատակն ունեն՝ վարկաբեկել Ռուսաստանին և հակառուսական տրամադրություններ բորբոքել Հայաստանի ներսում։ Այդ պատճառով էլ հիմա նրանք «միասին են երգում»։
- Դուք Рыбарь հեռագրային ալիքի հետ հետաքննություն եք անցկացրել Հայաստանում վերաբնակիչների մասով, խնդրում եմ պատմեք մեզ ռուսաֆոբ «Բևեռ» կուսակցության հետ նրանց կապերի մասին։
-Այն ժամանակ ազգայնականների հետ կապ չկար, բայց հիմա ամեն «Բևեռ»–ի միջոցառմանը միշտ ռելոկանտներից մեկը լինում է։
Ռելոկանտներից կապված են Տապան նախագծով, որը գրասենյակներ ունի Երևանում և Ստամբուլում, մեր հետաքննությունը պարզել է դրա հետևում կանգնածների անունները։ Առաջին հերթին դա Միխայիլ Խոդորկովսկին է։
Հայաստանի իշխանություններն այժմ աշխարհում ամենալոյալներից մեկն է նման գործիչների հանդեպ։ Նույն Վրաստանում իշխանությունը նրանց թույլ չի տալիս բաց աշխատել: Վերջերս մի դեպք եղավ, այդ ակտիվիստներից մեկին թույլ չտվեցին մտնել Վրաստան։ Իսկ Հայաստանի իշխանությունը, որն ի սկզբանե արևմտամետ է, բացարձակապես լոյալ է նրանց նկատմամբ և ոչ մի կերպ չի սահմանափակում նրանց գործունեությունը։
-Ինչու՞ Երևանում հատուկ գործողության, Ռուսաստանին աջակցող հանրահավաքներին շատ ավելի քիչ մարդ է լինում, քան «Բևեռի» հանրահավաքներին։
–Նախ, որովհետեւ ռուսամետ հանրահավաքները քաղաքական գործողություններ չեն։ Եթե «Բևեռ»-ը որոշակի ռեսուրսներով, ֆինանսավորմամբ կուսակցություն է, ապա ռուսամետ խմբավորումները գործում են բացառապես քաղաքացիական ոգևորությամբ՝ առանց քաղաքական ուժերի աջակցության։
- Ըստ այդմ նրանց ոչ ոք չի վճարում։
-Այո, միանշանակ։ Սա «բացարձակ սիրողական գործունեություն է, իսկ այնտեղ՝ կազմակերպված ջանք։
- Հիմա Հայաստանում կա՞ն կազմակերպված ռուսամետ քաղաքական ուժեր։
- Խորհրդարանում ընդդիմությունը, ասենք, հանդես է գալիս ռուս-հայկական բարեկամության ամրապնդման օգտին, բայց նման միջոցառումների չի մասնակցում և դժվար թե մասնակցի։
Նյութը հրապարակման պատրաստեց Կամո Խաչիկյանը
