Վահե Ղազարյանի հրամաններով Ոստիկանության մարզային վարչությունների պետերի փոփոխություններ են տեղի ունեցել
ՀԱՍԱՐԱԿՈՒԹՅՈՒՆ
Shamshyan.com-ի տեղեկություններով` այսօր՝ մարտի 20-ին, ՀՀ Ներքին գործերի նախարար, գեներալ-մայոր Վահե Ղազարյանը հրամաններ է ստորագրել։
Ինչպես հայտնում է ֆոտոլրագրող Գագիկ Շամշյանը՝ Վ․ Ղազարյանի հրամանով Ոստիկանության գնդապետ Արթուր Բդոյանը նշանակվել է ՀՀ ՆԳՆ Ոստիկանության Արմավիրի մարզային վարչության պետ։
Ա․ Բդոյանը, Վ․ Ղազարյանի մեկ այլ հրամանով, ազատվել է Ոստիկանության Վաղարշապատի բաժնի պետի պաշտոնից։
ՀՀ ՆԳՆ նախարարի մեկ այլ հրամանով՝ կենսաթոշակի անցնելու կապակցությամբ, աշխատանքից ազատվել է Ոստիկանության գնդապետ, Ոստիկանության Տավուշի մարզային վարչության պետ Սերգո Ավետիսյանը։
Վ․ Ղազարյանի մեկ այլ հրամանով՝ Ոստիկանության գնդապետ Արթուր Մկրտչյանը նշանակվել է Ոստիկանության Տավուշի մարզային վարչության պետ, ով ՆԳ նախարարի մեկ այլ հրամանով ազատվել է Ոստիկանության Գեղարքունիքի մարզային վարչության պետի պաշտոնից։
Վ․ Ղազարյանի մեկ այլ հրամանով՝ Ոստիկանության գնդապետ Արթուր Զոհրաբյանը նշանակվել է Ոստիկանության Գեղարքունիքի մարզային վարչության պետ, ով Վ․ Ղազարյանի մեկ այլ հրամանով ազատվել է Ոստիկանության Կոտայքի մարզային վարչության պետի պաշտոնից։
ՆԳ նախարար Վ․ Ղազարյանի մեկ այլ հրամանով՝ Ոստիկանության գնդապետ Վարդան Մկրտչյանը նշանակվել է Ոստիկանության Սյունիքի մարզային վարչության պետ, ով մինչ այդ աշխատում էր նույն վարչության պետի օպերատիվ գծով տեղակալ։
ՆԳ նախարարի մեկ այլ հրամանով ոստիկանության գնդապետ Արսեն Ոսկանյանը նշանակվել է Ոստիկանության Վաղարշապատի բաժնի պետ, ով Վ. Ղազարյանի մեկ այլ հրամանով ազատվել է ոստիկանության Արտաշատի բաժնի պետի պաշտոնից:
Վ. Ղազարյանի մեկ այլ հրամանով ոստիկանության փոխգնդապետ Ռուբեն Դավթյանը նշանակվել է ոստիկանության Կոտայքի մարզային վարչության պետ, ով նախկինում աշխատել է ՀՀ ՆԳՆ Ոստիկանության Քրեական ոստիկանության գլխավոր վարչությունում:
Վ. Ղազարյանի մեկ այլ հրամանով ոստիկանության փոխգնդապետ Գոռ Մանուկյանը նշանակվել է ոստիկանության Արտաշատի բաժնի պետ, ով Վ. Ղազարյանի հրամանով ազատվել է ոստիկանության Երևան քաղաքի վարչության, ոստիկանության Արաբկիրի բաժնի պետի օպերատիվ գծով տեղակալի պաշտոնից:
