Պատրաստություն թիվ 1. Իրանը հրթիռներ է նախապատրաստել երկրի գաղտնի տարածքներում
ՎԵՐԼՈՒԾՈՒԹՅՈՒՆՆԵՐ
Bloknot.ru-ն գրում է, որ Բրիտանիայից ստացված տեղեկատվության համաձայն Իրանը շտապ կերպով իր հրթիռները տեղակայում է երկրի գաղտնի տարածքներում։ Խոսքը ոչ թե հակաօդային պաշտպանության համակարգերի մասին է, այլ պատասխան հարված հասցնելու միջոցների։ Մասնավորապես, դրանք «Հադր-1»-ն ու «Իմադ»-ն են՝ մինչև 1800 կմ թռիչքի հեռահարությամբ և 0,75-1 տոննա մարտագլխիկով։ «Հորեմշեր»-ի ու «Հովեյզ»-ի նոր սերունդները ունակ են 2 հազար կմ հեռավորության 1-1,5 տոննա մարտագլխիկներ հասցնել: «Սաջիլ»-ը թռիչքի նմանատիպ հեռահարությամբ և 0,5 տոննա մարտական քաշով է։ Այս բոլոր «նվերներն» առաջին հերթին Իսրայելի համար են։
Իսկ վերջերս Իրանը հայտարարեց 1650 կմ հեռահարությամբ «Պավե» հիպերձայնային բալիստիկ հրթիռի և Heidar թևավոր հրթիռների մշակման մասին։ Նրանք ծրագրում են հարվածներ հասցնել տարածաշրջանում գտնվող ԱՄՆ ռազմածովային ուժերի նավերին և ամերիկյան բազաներին։
Իրանը դարձել է համաշխարհային առաջատարներից մեկը ոչ միայն հարվածային անօդաչու թռչող սարքերի, այ նաև հրթիռների արտադրությամբ։
Ադրբեջանին, եթե հարկ լինի, կհարվածեն տարբեր սերունդների «ֆաթեխ»-ներով, «Զուլֆիկար»-ներով, «դիզֆուլ»-ներով, «Սումար»-ներով, որոնք մինչև 500-700 կմ հեռահարության են։ Այժմ Իրանը շարունակում է իր զորքերը տեղաբաշխել Ադրբեջանի հետ սահման։ Գործարկվել են անօդաչու թռչող սարքեր, հարվածային ուղղաթիռներ, կործանիչներ, տանկեր և այլ զինատեսակներ։ Երկրների միջև հարաբերությունները վերջին տարիների ամենախորը ճգնաժամի մեջ է։ Պատճառը հունվարին Թեհրանում Ադրբեջանի դեսպանատան վրա կատարված հարձակումն էր։ Դրանից հետո Բաքուն փաստացի մեղադրեց հարևան երկրին ահաբեկչության մեջ եւ տարհանեց դիվանագիտական առաքելության անձնակազմին, որը համաշխարհային քաղաքականության մեջ պատերազմի ավետաբեր է համարվում։
Նաև «Իրանի գործակալների» որս սկսվեց անդրկովկասյան այդ հանրապետությունում, տասնյակ մարդիկ բերման ենթարկվեցին: Իրանը կարծում է, որ հենց Ադրբեջանի տարածքից են անօդաչու թռչող սարքեր են արձակվել, որոնք հարձակվել են Իսլամական Հանրապետության թիրախների վրա, մասնավորապես՝ Սպահան քաղաքի ռազմական գործարանի վրա: Մի շարք վերլուծաբաններ չեն բացառում, որ Իրանը կարող է ավելի հեռուն գնալ և իր զորքերը տեղափոխել Հայաստան: Հաշվի առնելով այն, որ Ադրբեջանի հետ հակամարտության հերթական փուլն է այնտեղ բորբոքվում, որոշումը ինքնաբերաբար կարող է հանգեցնել ռազմական գործողությունների մեկնարկի։ Թուրքիան ամենակարճ ժամկետում կներքաշվի այդ ամենի մեջ։ Իսկ հետո, եթե չհաջողվի հաղթել Իրանին, Իսլամական Հանրապետությունը ԱՄՆ-ի աջակցությամբ հարձակման կենթարկվի Իսրայելի ռազմաօդային ուժերի կողմից: Սակայն իրադարձությունների զարգացման սցենարը չի բացառում, որ Թել Ավիվը առաջինը հարվածի Իրանի միջուկային օբյեկտներին անկախ Ադրբեջանի հետ կապված իրավիճակից։ «Իրանի դեմ Իսրայելի պատերազմի հավանականությունը շատ մեծ է»,- ասել է Պենտագոնի ղեկավար Լլոյդ Օսթինը Թել Ավիվ կատարած այցից հետո։ Եվ նա միակը չէ, ով նման կանխատեսում է անում։
Իսրայելը հստակ հայտարարել է, որ հարվածելու է Իրանին։ Միգուցե՞ պետք է կանխարգելել այդ հարվածը: Հատկանշական է նաև Իսրայելի վարչապետ Բենիամին Նեթանյահուի պահվածքը. մարտի սկզբին նա հերքեց ՄԱԳԱՏԷ-ի ղեկավար Ռաֆայել Գրոսիի հայտարարությունները Իրանի միջուկային օբյեկտներին հնարավոր հարվածի անօրինականության մասին։ «Մեզ թույլատրվո՞ւմ է պաշտպանվել: Հասկանալի է, որ մեզ թույլ են տալիս դա անել, և պարզ է, որ մենք դա կանենք»,- ասել է Նեթանյահուն։
Իրանի կողմից միջուկային ռումբ ունենալը ինքնաբերաբար անհնարին կդարձնի ցանկացած ուժային ճնշում, այդ թվում Թեհրանի աջակցությունը Պաղեստինի զինված խմբավորումներին դադարեցնելը: Հակամարտության դիվանագիտական կարգավորման հնարավորությունները նվազագույն են: Միացյալ Նահանգները ներքաղաքական պատճառներով պատրաստ չէ վերադառնալ միջուկային գործարքին։ Բացի այդ, Իրանի միջուկային օբյեկտների դեմ նախկինում թիրախավորված ահաբեկչությունները հնարավորություն են տվել դանդաղեցնել միջուկային ծրագիրը, սակայն այժմ դա արդեն բավարար չէ, քանի որ այդ ծրագիրը մոտ է ավարտին։
Հետևաբար, Իսրայելը բացի ռազմական գործողությունից այլ տարբերակ չունի: Հնարավոր է, որ իրանական հրթիռների տեղակայումը պատասխան է Իսրայելի հարված հասցնելու կոնկրետ ժամկետների մասին ստացված տեղեկատվությանը։
Նյութը հրապարակման պատրաստեց Կամո Խաչիկյանը
