«Արցախի համար ամեն ինչ շատ վատ է ընթանում»
ՎԵՐԼՈՒԾՈՒԹՅՈՒՆՆԵՐ
Rosbalt.ru-ն գրում է, որ Արցախի Անվտանգության խորհուրդը հերքել է Բաքվի հետ Ադրբեջանին ինտեգրվելու պայմանների շուրջ բանակցություններ վարելու փորձերը։ Ստեփանակերտում ընդգծել են, որ բանակցությունները նվիրված են եղել բացառապես հումանիտար և տնտեսական հարցերին՝ շրջափակման վերացմանը, գազի և էլեկտրաէներգիայի անխափան մատակարարման վերականգնմանը։ Հանդիպումը կայացել է ռուս խաղաղապահների միջնորդությամբ, առանց որոնց հայերը չեն ցանկանում բանակցել։
Մինչդեռ Արցախի համար գործերը շատ վատ են ընթանում: Ադրբեջանն արդեն որոշում է, թե ով է ղեկավարելու ինքնահռչակ հանրապետությունը, ինչ ձեռնարկություններ կարող են այնտեղ գործել, ամսական ինչքան ապրանք կարող է ստանալ... Այդ ամենը պարզ էր դեռ Ռուբեն Վարդանյանի Ստեփանակերտ գալուց առաջ, բայց երբ նա փորձեց շրջել իրավիճակը Բաքուն անմիջապես բացահայտեց իր հաղթաթղթները: Կարելի է շարունակել անտեսել ներկա իրավիճակը և ճգնաժամի յուրաքանչյուր նոր փուլի հետ հիշել, թե ինչպես ամեն ինչ ժամանակին լավ էր կամ վատ, բայց կառավարելի էր: Նման ռազմավարությունը միայն կբերի ադրբեջանական ստեղծագործության տեսադաշտի ընդլայնմանը։
Հայաստանի իշխանությունները միջազգային ճնշումների միջոցով փորձում են հզորացնել Արցախը, սակայն դա նրանց չի հաջողվում։ Բաքուն ռուսական էներգառեսուրսներն է տեղափոխում ԵՄ, և բոլորը գոհ են դրանից։ Բացի այդ, ոչ ոք չի ցանկանում Թուրքիայի հետ վիճել ինքնահռչակ հանրապետության համար։
Արցախահայությանը օգնելու համար Հայաստանն ինքը պետք է հզորանա: Բայց խնդիրն այն է, որ դա հնարավոր է անել միայն հարևանների հետ հաշտվելու միջոցով, որոնք աշխարհը դիտարկում են բացառապես 2020 թվականի պատերազմի արդյունքների և իրենց տարածաշրջանային հեգեմոնիայի համատեքստում:
Նյութը հրապարակման պատրաստեց Կամո Խաչիկյանը
