Միացյալ Նահանգները նկարագրել է Ռուսաստանի դեմ պատժամիջոցները շրջանցելու գործարքների «կարմիր դրոշները»
ՎԵՐԼՈՒԾՈՒԹՅՈՒՆՆԵՐ
Rbc.ru-ն գրում է, որ ԱՄՆ-ը համատեղել է Ռուսաստանի դեմ աննախադեպ պատժամիջոցները այն գործակալությունների աննախադեպ ջանքերի հետ, որոնք փորձում են կանխել սահմանափակումների շրջանցումը, սակայն որոշները շարունակում են փորձել շրջանցել արտահանման վերահսկողությունը: Այս մասին ասվում է Առևտրի, Արդարադատության և ԱՄՆ ֆինանսների նախարարության կողմից կազմված պատժամիջոցների շրջանցման դեմ պայքարի վերաբերյալ առաջարկություններում։
Գերատեսչությունները հորդորել են ֆինանսական հաստատություններին և ամերիկյան ապրանքների կամ այլ ապրանքների առևտուր իրականացնող ընկերություններին, որոնք ենթակա են սահմանափակումների, նախևառաջ զգոն լինել: Առաջարկություններում նշում են, որ արտադրողները, դիստրիբյուտորները, վերավաճառողները և փոխադրողները հաճախ ունեն հնարավորությունը որոշելու, թե արդյո՞ք որոշակի գործարքը համապատասխանում է ընդունված սահմանափակումներին, և նրանք պետք է լրացուցիչ ստուգումներ անցկացնեն, եթե առկա են պատժամիջոցների խախտման նշաններ։
Գերատեսչությունները անվանել են այն «կարմիր դրոշները», որոնք կարող են ազդանշան լինել, որ գործարքը կարող է պատժամիջոցները շրջանցելու փորձ լինել.
- գնորդի պատրաստակամությունը չկիսվել ապրանքի վերջնական օգտագործման վերաբերյալ տվյալներով, ներառյալ վերջնական օգտագործողի ձևաթուղթը լրացնելուց հրաժարվելը,
- միջազգային բանկային փոխանցումների համար դրածո ընկերությունների օգտագործումը, որոնք հաճախ ներգրավում են ֆինանսական հաստատություններ ընկերության գրանցման վայրից հետո,
- գնված ապրանքների հիմնական տեղադրումից, վերապատրաստումից կամ սպասարկումից հրաժարվելը,
- հաճախորդի IP հասցեի և նրա կողմից նշված գտնվելու վայրի տարբերությունը,
-համագործակցությունը այն կազմակերպությունների հետ, որոնք վատ են ներկայացված համացանցում կամ ընդհանրապես ներկայացված չեն,
- ապրանքների առաքում Չինաստանով (ներառյալ Հոնկոնգը և Մակաոն) և Ռուսաստանին մոտ գտնվող այլ երկրներով՝ Հայաստան, Թուրքիա, Ուզբեկստան,
- վճարման անդորրագիրի ստացում այն ընկերությունից կամ երկրից, որը նշվածշ չէ որպես վերջնական գնորդ և այլն:
Այս տարվա երեք շաբաթվա ընթացքում ԱՄՆ գանձապետարանի ֆինանսական հանցագործությունների դեմ պայքարի բաժինը ստացել է ավելի քան 100 ազդարարող զեկույց, որոնցից մի քանիսը վերաբերվել են Ռուսաստանի դեմ պատժամիջոցները շրջանցելու բանկերի հնարավոր փորձերին: Ինչպես բացատրել է Bloomberg-ը, դա պայմանավորված է ազդարարներին պարգևատրելու ԱՄՆ իշխանությունների խոստումով:
Ռուսաստանի դեմ պատժամիջոցների պահպանման նկատմամբ մեծ ուշադրություն է դարձրել նաև Եվրամիության ղեկավարությանը, միջոցառումների տասներորդ փաթեթի սահմանափակումները, ի թիվս այլ բաների, ուղղված են եղել սահմանափակումների իրականացման մոնիտորինգին։
Ինչպես նշել է պատժամիջոցների գծով ԵՄ հատուկ ներկայացուցիչ Դեյվիդ Օ'Սալիվանը, Ռուսաստանի հարևանները «հանկարծակի շատ նոր կարիքներ են ունեցել», և դա այն ժամանակ, երբ Եվրոպայից ուղիղ արտահանումը Ռուսաստան դադարել է: Օ'Սալիվանի խոսքով, որոշ երկրների հետ այս հարցի շուրջ «բացատրական աշխատանքն» արդեն սկսվել է։
«Անցյալ տարին ցույց տվեց ԵՄ-ի և մեր գործընկերների ճիշտը պաշտպանելու վճռականությունը՝ անկախ դրա գնից: Բայց դա նաև ցույց տվեց, որ որոշ առումներով մեզ անհրաժեշտ է կառուցվածքային շտկումներ»,- եզրափակել է նա։
Ռուսական իշխանությունները արևմտյան պատժամիջոցներն անվանում են «խելագար ու չմտածված», ինչպես նաև ասում են, որ դրանք ավելի մեծ վնաս են պատճառում նման միջոցառումները նախաձեռնողներին։ Կրեմլի կարծիքով պատժամիջոցների պատճառով աշխարհում ոչ մի երկիր չի փոխել իր քաղաքականությունը։
Նյութը հրապարակման պատրաստեց Կամո Խաչիկյանը
