«Մայրիկ, այս ի՞նչ հիմարներ են»: Կարեն Խաչանովի առասպելական սիրո պատմությունը
ՎԵՐԼՈՒԾՈՒԹՅՈՒՆՆԵՐ
news.sportbox.ru-ն գրում է, որ ռուս հայտնի թենիսիստ Կարեն Խաչանովն իր պրոֆեսիոնալ կարիերայում առաջին անգամ դուրս է եկել Ավստրալիայի բաց առաջնության եզրափակիչ։ Արդեն հաջորդ շաբաթ խաղացողը կարող է վերադառնալ ATP-ի համաշխարհային դասակարգման լավագույն տասնյակ, որտեղ չի եղել 2019 թվականի հոկտեմբերից։ Այդ ամենը կապված էր թենիսիստի կարիերայի դժվարին շրջան հետ, որի դեմ Կարենը պայքարում է արդեն մի քանի տարի: Երբեմն Խաչանովն անգամ իջնում էր չորրորդ տասնյակ և չէր մտնում «Մեծ սաղավարտի» սերիա:
Այդ ամբողջ ընթացքում Կարենին ընտանիքն է օգնել իր հանդեպ հավատը պահել։ Կինը Վերոնիկան և որդին՝ Դավիթը, թենիսիստի մեջ վստահություն են ներշնչել։ Հենց դեպի նրանց էր թենիսիստը առաջին անգամ շրջվել Ավստրալիայի բաց առաջնության քառորդ եզրափակչում ամերիկացի Սեբաստիան Կորդայի նկատմամբ տոնած շրջադարձային հաղթանակից հետո։
Վերոնիկայի և Կարենի ծանոթության պատմությունը նման է հեքիաթի: Դա տեղի է ունեցել օդանավակայանում, երբ Խաչանովն ընդամենը ութ տարեկան էր։ Դա եղել է սեր մանկուց: Նա Վերոնիկային ճանաչել է ութ տարեկանից։ Այն ժամանակ նա նույնպես թենիս էր խաղում, նրանք խաղում էինք նույն խմբում։ Նա և իր մայրը կանգնած էին ընդունարանի մոտ։ Այդ պահին Կարենն ու ընկերը, բղավելով ու բարձր ծիծաղելով սայլակով կպել են նրան։
Դրանից հետո Վերոնիկան շրջվում է դեպի մայրը և հարցնում. «Սրանք ի՞նչ ապուշներ են»: Արդյունքում սկսվել է սեր առաջին հայացքից։
Զույգը սկսել է հանդիպել դեռահաս տարիքում։ Խաչանովը 15 տարեկանում սկսել է ուշադրության նշաններ ցույց տալ աղջկա նկատմամբ։ Անգամ այն ժամանակ նա հաստատ գիտեր, որ ցանկանում է Վերոնիկային տեսնել որպես իր կինը։ 2016 թվականին, երբ Կարենը 20 տարեկան էլ չկար, օրինականացվել են հարաբերությունները։ Հարսանիքը եղել է մտերիմների շրջապատում, ոչ մեծ։ Արարողությունը տեղի է ունեցել Բարսելոնայում։ Նորապսակներն իրենց մեղրամիսն անցկացրել են Մալդիվներում։ Միևնույն ժամանակ, մարզիկը երկար ժամանակ սոցիալական ցանցերում չէր հրապարակում կնոջ հետ համատեղ լուսանկարներ, և դա արել է միայն 2018 թվականին։
Մեկ տարի անց զույգն ունեցել է իր առաջնեկին։ Երեխային անվանել են Դավիթ։ Որդու ծնունդը թենիսիստի կարիերայի գագաթնակետին էր, այն ժամանակ նա լավագույն տասնյակում էր։ Որդին միայն ամրացրել է ընտանիքը։ Կարենը հարցազրույցներում և սոցիալական ցանցերում հաճախ է հայրության մասին խոսում հիասքանչ բառերով:
«Հայր լինել... Բառերով դժվար է նկարագրել: Այն օրը, երբ առաջին անգամ տեսա որդուս, իմ կյանքի ամենաերջանիկ օրն էր: Այնուամենայնիվ, ես գիտեմ, որ հիմա ինձ պետք է թենիս խաղալ։ Ես շատ ժամանակ չունեմ տանը ընտանիքիս հետ լինելու համար»,- այն ժամանակ գրել էր Խաչանովը սոցցանցերում։
Վերջին տարիներին Կարենը միայն երբեմն էր ուրախացնում երկրպագուներին՝ հաճախ վաղ ավարտելով մրցաշարերի իր ելույթները: Թենիսիստը հստակ խաղային ճգնաժամ էր ապրում: Բայց այդ դժվարին պահին կինը միշտ աջակցում էր նրան։
Վերոնիկան հաճախ էր հայտնվում այն մրցաշարերի տրիբունաներում, որտեղ խաղացողը ելույթ էր ունենում։ Կարենը, մյուս կողմից, հետխաղյա հարցազրույցների ժամանակ անընդհատ նշում էր կնոջ ներկայության և աջակցության կարևորությունը։
«Ռոլան Գարոսից հետո Վերոնիկան երկար ժամանակ չէր կարողանում ինձ աջակցել տրիբունաներից։ Ուրախ եմ, որ նա կրկին ինձ հետ է մարզադաշտում և կարող է աջակցել ինձ։ Խաղից հետո մենք մի փոքր զրուցեցինք, և նա անմիջապես գնաց Դավիթի մոտ։ Հիմա, հենց որ ազատ լինեմ, ես նույնպես կմիանամ նրանց»,- ասել էր Կարենը Կրեմլի գավաթի խաղարկության ժամանակ։
Վերոնիկան ոչ հրապարակային անձնավորություն է։ Նրա անձնական կյանքի մասին շատ քիչ բան է հայտնի։ Մանուկ հասակում նա թենիս է խաղացել սեփական զարգացման համար։ Նա նաև ավարտել է ՄԳԻՄՕ-ն և վերապատրաստվել ՅՈՒՆԵՍԿՕ-ում: Հիմնականում Վերոնիկայի մասին կարելի է իմանալ ամուսնու հետ հարցազրույցից։
«Երբեմն ինչ-որ բան կարդալուց հետո Վերոնիկան ինձ էլ է խորհուրդ տալիս, որ հետո քննարկենք»,- պատմել է Կարենը։ «Ես այնքան արագ չեմ կարդում, որքան նա», - թենիսիստուհու խոսքերն է մեջբերել TATLER հրատարակությունը:
Կորդայի հետ խաղից հետո հաղթական հարցազրույցում նա նաև ասել է, որ ընտանիքն այն վայրն է, որտեղ նա կարող է հանգստանալ թենիսի ծանր մարտերից հետո։ Վերոնիկան և Դավիթը հիանալի հասկանում են, թե երբ պետք չէ անհանգստացնել նրան, ինչի համար նա շնորհակալություն է հայտնում նրանց։
Նյութը հրապարակման պատրաստեց Կամո Խաչիկյանը
