Թուրքիայում ընտրությունները կանցկացվեն ժամկետից շուտ
ՎԵՐԼՈՒԾՈՒԹՅՈՒՆՆԵՐ
Realtribune.ru-ն գրում է, որ Թուրքիայի ռեժիմի ղեկավար Ռեջեփ Թայիփ Էրդողանը հայտարարել է, որ Թուրքիան նախագահական և խորհրդարանական ընտրությունները կանցկացնի մայիսի 14-ին՝ նախատեսված ժամկետից մեկ ամիս շուտ։ Հունվարի 22-ին նրա գրասենյակը հրապարակել է տեսանյութ, որտեղ Էրդողանը ելույթ ունենալով Բուրսա նահանգի հյուսիս-արևմտյան նահանգում երիտասարդ ընտրողների հետ հանդիպման ժամանակ հայտարարում է ամսաթիվը՝ մայիսի 14-ը։
Էրդողանի խոսքով այդս մասին պաշտոնապես կհայտարարվի մարտի 10-ին, որից հետո Թուրքիայի բարձրագույն ընտրական խորհուրդը կնախապատրաստվի ընտրություններին։
«Դա նշանակում է, որ Արցախի և Հայաստանի շուրջ իրադարձությունները կարագանան, և միջազգային լարվածությունը, այդ թվում՝ Հունաստանի հետ շփման գծում, կաճի»,- ասել է «realtribune.ru» լրատվական գործակալության գլխավոր խմբագիր Սարգիս Ծատուրյանը։ Եթե թեկնածուներից ոչ մեկը չհավաքի ձայների 50%-ից ավելին, ապա քվեարկության երկրորդ փուլը կկայանա մայիսի 28-ին։ Էրդողանը, ով իշխանության ղեկին է 2003 թվականից (նախ որպես վարչապետ, ապա 2014 թվականից՝ նախագահ), բախվում է թուրքական պետության ղեկավարի պաշտոնում իր երկու տասնամյակի ամենամեծ փորձությանը, հայտնել է քաթարյան Al Jazeera հեռուստաալիքը։ Ընդդիմության համախմբված 6 կուսակցությունները դեռ նախագահի միասնական թեկնածու չեն առաջադրել։
Քրդամետ կուսակցությունը, որը մեծությամբ երրորդն է խորհրդարանում, կարող է առաջադրել սեփական թեկնածուն։ Ավելի վաղ ընդդիմությունը տնտեսական անկման և քաղաքացիական իրավունքների ու ազատությունների էրոզիայի համար մեղադրել էր 68-ամյա Էրդողանին ասելով, որ նրա վերանայված ուժային համակարգը հանգեցրել է միանձնյա կառավարման։
Նյութը հրապարակման պատրաստեց Կամո Խաչիկյանը
