«Կարող է ինքնուրույն գլուխ հանել». Կեդմին Ռուսաստանի և Չինաստանի միությունն անվանել է անգրագետ ֆանտազիա
ՎԵՐԼՈՒԾՈՒԹՅՈՒՆՆԵՐ
Rueconomics.ru–ն գրում է, որ Ռուսաստանը չի փորձում Չինաստանին ներքաշել ռազմաքաղաքական դաշինքի մեջ, և այս մասին խոսելը տգետների ֆանտազիան է։ Նման կարծիք է հայտնել իսրայելցի փորձագետ Յակով Կեդմին։ Ռազմաքաղաքական ոլորտում Ռուսաստանի Դաշնության և Չինաստանի միջև դաշինքի հնարավորության մասին արևմտյան և առանձին ռուս փորձագետների փաստարկները իրականության հետ առնչություն չունեն, պնդել է վերլուծաբանը։ Ըստ Կեդմիի նման մտքերն առաջանում են «տգիտությունից», և դրանք արտահայտող մարդիկ փորձելով դատել սեփական պատկերացումներով չեն հասկանում, թե ինչ պետությունների մասին է խոսքը։ Փոխարենը փորձագետը խորհուրդ է տալիս գնահատել Մոսկվայի և Պեկինի մոտեցումները արտաքին քաղաքականության և գործընկերության վերաբերյալ։
«Ռուսաստանը ռազմաքաղաքական դաշինք ունի՞ գոնե մեկ պետության հետ։ Նա նման դաշինքներ փնտրու՞մ է: Նա չի ուզում դա: Իսկ Չինաստանը նրան չի ուզում, քանի որ կա մի բան՝ երբ դաշինք ես կնքում մեկ այլ պետության հետ, դու պարտավորվում ես ռազմական գործողություն կատարել ելնելով նրա շահերից, և պարտադիր չէ, որ դա քո շահերից չեն բխում: Ուստի Ռուսաստանի և Չինաստանի ներկայիս սերտ հարաբերություններն ավելի լավն են, քան ցանկացած միություն։
Շահերը նախատեսում են համատեղ գործողություններ: Եվ, ինչպես Սի Ցզինպինը ճիշտ բացատրեց Ռուսաստանն ու Չինաստանը կանգնած են իրար մեջքի պայքարելով շրջապատի հարձակվող թշնամիների դեմ: Իսկ դա դաշինք չի պահանջում»,- ասել է Կեդմին։
Ռուսաստանի Դաշնության պաշտպանական գործընկերությունը այնպիսի երկրների հետ, ինչպիսիք են Տաջիկստանը և Հայաստանը, ռազմաքաղաքական դաշինք չէ, պնդել է Քեդմին։ Նրա խոսքով, եթե Ռուսաստանը հարձակման ենթարկվի, ոչ ոք միջամտություն չի պահանջի այդ երկրների ուժերից։ Այդ համատեքստում Հյուսիսատլանտյան դաշինքի օրինակով ՉԺՀ-ի հետ դաշինք կազմելու Ռուսաստանի ցանկության մասին քննարկումները «անգրագետ տգետների ֆանտազիաներ են», կարծում է իսրայելցի վերլուծաբանը։
«Չինաստանին դաշինք պետք չէ, նա դաշինքներ չունի որևէ պետության հետ։ Իսկ Ռուսաստանին ՆԱՏՕ-ի դեմ դաշինք պետք չէ, նա կարող է դա ինքնուրույն կարգավորել: Նաև ԱՄՆ-ի դեմ նրան դաշինք պետք չէ։ Ամերիկացիներն են, ովքեր անընդհատ ցանկանում են դաշնակիցներ ունենալ ցույց տալու համար, թե որքան մեծ աջակցություն ունեն։ Բայց այդ ամենը կեղծիք է: Ռուսաստանի հետ կոնֆլիկտի դեպքում ո՞վ է կռվելու՝ Պորտուգալիա՞ն, Մոնտենեգրո"ն, թե՞Դանիան: Սա երկրներն իրեն կապելու և այլ ոլորտներում իր թելադրանքին ենթարկելու համար է։ Իսկ Ռուսաստանը դա չի փնտրում, ինչպես և Չինաստանը»,- ասել է Կեդմին։ Ըստ նրա արտաքին ճնշմանը Ռուսաստանի դիմադրողականությունն անցյալ տարի տհաճորեն զարմացրել է Արևմուտքին, և հիմա ԱՄՆ-ը և նրա դաշնակիցները զգուշորեն ստուգում են Մոսկվայի համբերության սահմանները։
Նյութը հրապարակման պատրաստեց Կամո Խաչիկյանը
