Հացահատիկի գործարքը հանգեցրել է ցորենի գնի նվազման

Ցորենի միջին գինը մեկ տոննայի դիմաց 440 դոլարից իջել է մինչև 320 դոլար՝ կապված հացահատիկի գործարքի իրականացման հետ, հայտարարել է Թուրքիայի գյուղատնտեսության և անտառային տնտեսության նախարար Վահիթ Քիրիշչին Ստամբուլում գյուղատնտեսական արտադրողների հանդիպման ժամանակ։

Նրա խոսքով, հունվարի 5-ի դրությամբ 626 նավերով հացահատիկային միջանցքով փոխադրվել է 16,8 մլն տոննա գյուղմթերք, այդ թվում՝ հացահատիկ։

«Եթե Ուկրաինայի հակամարտության սկզբում ցորենի մեկ տոննայի գինը 440 դոլար էր, ապա այժմ այն ​​գտնվում է 320 դոլարի սահմաններում»,- ասել է թուրք նախարարը։
Նա նաև հայտնել է, որ ուկրաինական նավահանգիստներից գյուղատնտեսական արտադրանքի 54%-ը առաքվել է եվրոպական երկրներ, 28%-ը՝ Ասիա, 12%-ը՝ Աֆրիկա և 6%-ը՝ Մերձավոր Արևելք։

Ուկրաինայից սննդամթերքի արտահանման վերաբերյալ համաձայնագրերը կնքվել են 2022 թվականի հուլիսի 22-ին Ստամբուլում 120 օրով։ Պայմանագրերից մեկն ի սկզբանե ուժի մեջ էր մինչև նոյեմբերի 19-ը և կարգավորում էր Կիևի կողմից վերահսկվող Օդեսայի, Չերնոմորսկի և Յուժնի նավահանգիստներից հացահատիկի արտահանման կարգը։

Պայմանագրերը երկարաձգվել են նոյեմբերի 17-ին՝ ևս 120 օրով։ Գործարքը երկարաձգվել է ավտոմատ կերպով՝ ներգրավված կողմերի (Ռուսաստան, Ուկրաինա, Թուրքիա, ՄԱԿ) առարկությունների բացակայության արդյունքում։