Ադրբեջանին պետք է Արցախն առանց հայերի. հասարակական գործիչը բացատրում է շրջափակման նպատակը
ՎԵՐԼՈՒԾՈՒԹՅՈՒՆՆԵՐ
Rossaprimavera.ru–ն գրում է, որ Արցախի (Լեռնային Ղարաբաղի) բնիկ բնակչության վտարմանն է ձգտում է Ադրբեջանը փակելով այն աշխարհի հետ կապող նրա միակ ճանապարհը: Այդ մասին ֆեյսբուքյան իր էջում հայտնել է Հայաստանի նախկին օմբուդսմեն Արման Թաթոյանը:
Սոցիալական ակտիվիստը հիշեցրել է, որ Արցախի շրջափակումը, որն իրականացվում է Ադրբեջանի կողմից, շարունակվում է արդեն բավականին երկար ժամանակ։ Արդյունքում հանրապետության դեղատներում սպառվում են դեղերը, մարդիկ զրկվում են կենսական նշանակության իրերից ու ապրանքներից։
«Ադրբեջանի իշխանությունները միտումնավոր են տանում Արցախի հայաթափմանը, Արցախի բնիկ բնակչության ոչնչացմանը 120 հազար խաղաղ բնակիչներին լիակատար մեկուսացնելով արտաքին աշխարհից»,- ասել է Թաթոյանը։
Նրա խոսքով, Ադրբեջանի նման գործողությունները արտացոլում են նրա բնորոշ հայատյաց քաղաքականությունը։ Այս անգամ ադրբեջանական կողմն իր քաղաքականությունն իրականացնում է այն մարդկանց միջոցով, ովքեր իրենց կոչում են բնապահպան, բայց ֆինանսավորվում են պետության կողմից, նշել է նախկին օմբուդսմենը։ Թաթոյանը համոզված է, որ Ադրբեջանի նպատակն արցախցիների մոտ հուսահատության և հուսալքության զգացում ստեղծելն է։ Ադրբեջանական պլանի համաձայն շրջափակումը պետք է ստիպի հայ բնակչությանը լքել Արցախը։ «Այո, Ադրբեջանին պետք է Արցախն առանց հայերի»,- շեշտել է հասարակական գործիչը և կոչ արեց անել ամեն ինչ այդ ծրագրերի իրականացումը թույլ չտալու համար։
Նյութը հրապարակման պատրաստեց Կամո Խաչիկյանը
