Հայերեն
ՔԱՂԱՔԱԿԱՆՈՒԹՅՈՒՆ ՀԱՍԱՐԱԿՈՒԹՅՈՒՆ ՄՇԱԿՈՒՅԹ ՍՊՈՐՏ ՄԱՄՈՒԼԻ ՏԵՍՈՒԹՅՈՒՆ ՏՆՏԵՍՈՒԹՅՈՒՆ ՖՈՏՈ ՎԻԴԵՈ ՎԵՐԼՈՒԾՈՒԹՅՈՒՆՆԵՐ ՊԱՏՄՈՒԹՅԱՆ ԱՅՍ ՕՐԸ ՄԻՋԱԶԳԱՅԻՆ ԱՄԵՆԱԸՆԹԵՐՑՎԱԾ ԻՐԱՎՈՒՆՔ

Հայկ Եսայան. Team Telecom Armenia-ն առաջին IPO տելեկոմը դառնալու ճանապարհին է

ՀԱՍԱՐԱԿՈՒԹՅՈՒՆ

2022թ.-ին Team Telecom Armenia ընկերությունն ավարտեց վերաբրենդավորումը, շարունակեց տարածաշրջանում եզակի NGN ցանցի կառուցումն ու Հայաստանը դարձրեց ինտերնետ արտահանող երկիր:

Տարվա արդյունքների, առաջիկա նպատակների ու դրանց հասնելու ճանապարհի մասին Banks.am-ը զրուցել է Team Telecom Armenia-ի գլխավոր տնօրեն Հայկ Եսայանի հետ:

Հիմքում կապն է

Veon Armenia-ի կամ ինչպես ավելի հայտնի է՝ Beeline-ի 100% բաժնետոմսերը ձեռք բերեցինք երկու տարի առաջ ու 2022թ.-ին ավարտեցինք Team Telecom Armenia-ի վերաբրենդավորումը: Team անվանումը պատահական չենք ընտրել, քանի որ ընկերությունը ստեղծվել է թիմային որոշմամբ ու այդպես է շարունակվում նաեւ հիմա: Այստեղ հավաքվել են իրար հետ երկար ճանապարհ անցած, նույն արժեքները կիսող մարդիկ:

Team Telecom Armenia-ի հիմքում դրվեց մեկ հիմնական նպատակ՝ ստեղծել կայուն ու երկարաժամկետ ենթակառուցվածք, որն ապագայում բեկումնային փոփոխություններ կբերի տելեկոմ ոլորտ, կնպաստի ոչ միայն մեր ընկերության առաջխաղացմանն, այլեւ` Հայաստանում ՏՏ ոլորտի ու համայնքների զարգացմանը:

Մենք ցանկանում ենք ունենալ կայուն զարգացող ցանց, որն ամեն օր ավելի արդիական կլինի, քան աշխարհում եղած միջինն ու ստեղծել հարթակ, որտեղ թե՛ մեր, թե՛ այլ ընկերություններ կկարողանան ծառայություններ մատուցել:

Եթե նայում ենք հեռահաղորդակցության 120 տարվա պատմությանը՝ առաջին ռադիոյից մինչեւ բջջային հեռախոսներ ու ամպային լուծումներ, տեսնում ենք, որ անկախ մատուցվող ծառայությունների տեսակից հիմքում մեկ բառ է՝ կապ:

Կապի հիման վրա են մշակվում ու մատուցվում տարատեսակ ածանցյալ ծառայություններ՝ ամենապարզ հեռախոսազանգից մինչեւ աշխարհում այդքան սիրելի Netflix: Մենք ցանկանում ենք կառուցել ամուր հիմք, որակյալ կապ, որի վրա հնարավոր է ստեղծել բազմապիսի ածանցյալ ծառայություններ:

Ցանց՝ 100 տարվա համար

2021թ.-ից Nokia-ի հետ համագործակցությամբ սկսեցինք Հայաստանում NGN (New Generation Network) ցանցի կառուցումը: Այն եզակի է մեր տարածաշրջանում ու այս պահին ամենաարագներից է աշխարհում: NGN ցանցը թույլ կտա յուրաքանչյուր բաժանորդի հասցնել 25 Գբ/վ արագությամբ ինտերնետ: Այս տարի այն հասանելի է դարձել Ջերմուկ, Քաջարան, Հրազդան, Մեծամոր, Վարդենիս, Կապան, Արմավիր, Ալավերդի քաղաքներում, Գնդեվազ, Կեչուտ գյուղերում, Երեւանի Դավթաշեն, Արաբկիր եւ Ավան վարչական շրջաններում:

Մարզերում, գյուղական բնակավայրերում ցանցի վերազինումը մեծ ներդրումներ է պահանջում ու փոքր վերադարձելիություն ունի: Բայց մեր ռազմավարությունն այն է, որ ամբողջ հանրապետությունում ունենանք արդիական ցանց՝ առանց տարբերակում դնելու Երեւանն է, թե մարզային բնակավայր:  

Մենք ամբողջությամբ պղնձային ցանցը փոխարինում ենք օպտիկամանրաթելային ցանցով: Այն եզակի է Հայաստանում ու ինժեներական այնպիսի լուծումներ ենք կիրառում, որ կարծում եմ՝ առաջիկա 100 տարում էական փոփոխությունների կարիք չի լինի: Օպտիկամանրաթելից ավելի արագ կապուղի այսօր չկա, եւ ցանցի նախագծումն այնպես ենք կատարել, որ շատ հեշտ է լինելու սարքավորումների վերազինումը:

Team Telecom Armenia-ի տարբերությունը հանրապետությունում գործող մյուս ընկերություններից այն է, որ մեր ցանցում կիրառված են տարբեր տիպի տեխնոլոգիաներ: Սա լավ է, քանի որ ցանկացած սպառողի կարողանում ենք ծառայություն մատուցել իր ցանկացած տեխնոլոգիայով:

Մեր ցանցը մի առանձնահատկություն էլ ունի: Ցանկացած բաժանորդ կարող է դրան միանալ առանձին օպտիկամանրաթելային թելիկով եւ տեխնոլոգիապես որեւէ մեկից կախում չունենալ: Սա պետական, կորպորատիվ հաճախորդների համար կարեւոր է անվտանգության առումով: Կարող ենք հստակ ասել՝ այս մակարդակի ցանցը ոչ միայն Հայաստանում, այլեւ աշխարհում առաջատարներից է: Եթե չեմ սխալվում՝ նման բան արել է Google-ը՝ «Dark fiber» անվանմամբ, երբ հնարավորություն է տրվում մեկ մանրաթելով միացնել մեկ բաժանորդ: Այսօր նույն հնարավորությունը տալիս ենք նաեւ Հայաստանում:

Ցավոք, շուկան դեռ պատրաստ չէ օգտվել այս հնարավորությունից, բայց շուկային պետք է կրթել: Ապացուցված է՝ եթե կառուցում ես որակյալ մի բան, որի անհրաժեշտությունը կա, շուկան ձեւավորվում է: Սա է պատճառը, որ մենք սկսում ենք նաեւ տվյալների կենտրոնի (data center) կառուցման մեծ նախագիծ: Ցանկանում ենք զարգացնել նաեւ այս ոլորտը:

Ինչ վերաբերում է բջջային կապին, այստեղ եւս բազային վերազինումներ են տեղի ունենում: Դեռ մի քիչ վաղ է խոսել 5G-ի մասին, քանի որ շուկան դրա կարիք չունի, սպառումը շատ փոքր է: Հայաստանում գործող երեք օպերատորներն էլ կարող են հանգիստ ապահովել 5G կապ, բայց կոմերցիոն առումով սա դեռեւս նպատակահարմար չէ: Կարող ենք ասել՝ ընկերությունը, որն առաջինը սա կանի, ավելի շատ մարքեթինգային նպատակ կհետապնդի:

45 մլն դոլարի ֆինանսավորում՝ միջազգային կառույցներից

Beeline-ի բաժնետոմսերը ձեռք բերելուց հետո մենք կարողացանք կոտրել հասույթի կրճատման բացասական միտումը և արդեն երկրորդ տարին է ընկերությունը գրանցում է եկամտի կայուն աճ։ Կարծում եմ՝ սա մեծ փոփոխություն է ու խոսուն ցուցանիշ: Այս տարի, նախորդի համեմատ, ընկերությունը գրանցել է 9,3% եկամտի աճ: 2022թ. երրորդ եռամսյակի դրությամբ Team Telecom Armenia-ի բջջային բաժանորդների թիվը գերազանցել է 960 հազարը, ֆիքսված ինտերնետինը՝ 93 հազարը:

Ֆինանսական առումով մյուս կարեւորագույն հաջողությունը IFC եւ EBRD միջազգային կառույցներից ու Ամերիաբանկից 45 մլն դոլար ֆինանսավորման ներգրավումն է: Շատ ուրախ ենք, որ այս փաթեթում նաեւ հայկական բանկ կա: Ֆինանսավորման տրամադրման հիմքը վստահությունն է թե՛ ընկերության ռազմավարության, թե՛ մենեջմենթի նկատմամբ, քանի որ նման կառույցները խորությամբ ուսումնասիրում են ընկերությունը ֆինանսավորում տրամադրելուց առաջ: Մեզ համար այս վստահությունը շատ կարեւոր է, հատկապես վերջին շրջանում տեղի ունեցող գլոբալ զարգացումների համատեքստում, երբ ներդրումները ռիսկային են:

Գումարի զգալի մասն այսօր ներդրվում է ցանցի վերազինման մեջ: Սա թույլ կտա բարելավել սպասարկման որակը, ներառյալ՝ 4G բջջային ցանցի ընդլայնումն ու օպտիկամանրաթելային ցանցի գործարկումը Հայաստանի ողջ տարածքում: Ակնկալում ենք, որ արդյունքում ավելի արագ ու որակյալ ինտերնետից կօգտվի շուրջ 1,1 մլն բաժանորդ, ավելի քան 450 հազար տնային տնտեսություն կապահովվի արագ օպտիկամանրաթելային տեխնոլոգիայով:  

Հայաստանն՝ ինտերնետ արտահանող երկիր

NGN ցանցի շնորհիվ մենք դուրս ենք եկել Հայաստանի Հանրապետության սահմաններից ու այժմ ինտերնետ ենք մատակարարում Մերձավոր Արեւելքի 5 երկիր: Հայաստանն այսօր ինտերնետ արտահանող երկիր է դարձել: Սա շատ կարեւոր է ոչ միայն մեր ընկերության, այլեւ՝ երկրի համար, քանի որ միջազգային կապուղիների դիվերսիֆիկացման արդյունքում բարձրանում է նաեւ Հայաստանի տեղեկատվական անվտանգության մակարդակը:

Այս համագործակցությունը կայացել է շատ բարդ ու հետեւողական աշխատանքի շնորհիվ: Մերձավոր Արեւելքի երկրների շուկան հետաքրքիր է, քանի որ ինտերնետի մատակարարման առումով այստեղ «կռվում ես» Թուրքիայի եւ Ադրբեջանի հետ: Արդյունքում հասնել ենք նրան, որ մեզ բաժին է հասել մատակարարման 50%-ը: Սա մեծ ձեռքբերում է Հայաստանի համար, քանի որ մեր դեպքում սա ընկերության «կռիվն էր», իսկ Թուրքիայի դեպքում տելեկոմը պետական է, Ադրբեջանն էլ ֆինանսական մեծ հնարավորություններ ունի:

Հայաստանում առաջին IPO տելեկոմը

2023թ.-ին մեր հիմնական նպատակներից մեկն է շարունակել աշխատել ծառայությունների որակը բարձրացնելու, նոր տեխնոլոգիաներով ծածկույթ ստեղծելու ու դրա մաքսիմալ սփռումն ապահովելու ուղղությամբ: Հուսով ենք՝ այս ռազմավարության արդյունքները նկատելի կլինեն արդեն 2024-25թթ.:

Ինչ վերաբերում է նորություններին՝ շուտով հասանելի կլինի Team Telecom Armenia-ի վճարահաշվարկային Team Pay ծառայությունը:

Նախատեսում ենք նաեւ ընկերությունը բացել բոլորի համար: Ցանկանում ենք ստեղծել Հայաստանում առաջին IPO (Initial Public Offering) տելեկոմը, որպեսզի ցանկացած մարդ կարողանա դառնալ ընկերության բաժնետեր ու իրեն թիմի մասնիկ զգա: Սա շատ կարեւոր է նաեւ մշակույթի ձեւավորման առումով: Մարդիկ կսկսեն հասկանալ, որ անկախ գումարի չափից, կարող են այն ներդնել նման ընկերություններում, դառնալ բաժնետեր, ոչ թե գումարը ուղղակի պահել այս կամ այն բանկում՝ ավանդի տեսքով: Ի վերջո, այդ ավանդները, բանկի միջնորդությամբ, մտնում են ընկերություններ: Ամբողջ աշխարհը պարզեցնում է այս մշակույթը, որպեսզի ներդրողի ու ընկերության միջեւ կապը ուղիղ՝ առանց միջնորդների տեղի ունենա:

Յանա Շախրամանյան

Լուսանկարը՝ Էլեն Գասպարյանի

Դատարանը 3 ամսով երկարաձգել է Բագրատ Սրբազանի տնային կալանքըUFC-ն պայմանագիր կկնքի Նուրմագոմեդովի եղբոր հետ, նրանց նոր աստղեր են պետք․ ԾառուկյանԻտալական ֆուտբոլային ակումբը պայմանագիր է կնքել շան հետ. պաշտոնականԲուդապեշտում «Total Chess» մրցաշարում Հայկ Մարտիրոսյանը հաղթել է Ռապորտին, Լևոն Արոնյանը՝ ՄամեդյարովինԻսպանիայի գավաթ․ Ռանոսի դուբլն օգնել է 10 հոգով մնացած «Տեներիֆե»-ին հաղթել «Բադախոս»-ինԿառավարությունը 68 հազար դոլար է հատկացրել Ռուսաստանում անցկացված Հայ մշակույթի օրերի կազմակերպմանըՎան Գոգի «Ծաղկած շագանակենիները» կտավն աճուրդում վաճառվել է 190,4 մլն դոլարովՀաստատվել է կառավարության 2026-2031 թվականների գործողությունների ծրագիրըՄիջոցներ են հատկացվել դպրոցներում երկու դասագրքի ներդրման համարԻրազեկում․ փորձարկվելու են էլեկտրական շչակներԿյանքից հեռացել է Մարինե Մարինոսյանը«Nissan»-ը Երևանի Սեբաստիա փողոցում վրաերթի է ենթարկել հետիոտնինՓաշինյանի գոռգոռnցը, վիրավnրանքները, այդ թվում՝ Սերժ Սարգսյանի հանդեպ, ոչ թե ուժի, այլ բացառապես սեփական դիրքորոշման խոցելիության վկայությունն են. Արմեն ԱշոտյանՀամեստ տղա էր, ուզում էր շարունակել ծառայությունը․ երեկ կյանքից հեռացած Նարեկը Գավառից էրՎրացի քաղաքագետ. «ԵՄ-ն աշխարհաքաղաքական թզուկ է, և լավագույնը Կրեմլին չզայրացնելն է»Թբիլիսիի բազմահարկ շենքում պայթյnւն է տեղի ունեցել. կան տnւժածներՀայ-թուրքական հարաբերությունների կարգավորում. Արդյո՞ք եղանակը փոխվում էԿասեցվել է «Սիթի» ընկերության հացի արտադրամասի արտադրական գործունեությունը«Հայաստանի քաղաքական կարանտինը»Մեկնարկել է հետվճարների գործընթացը․ մանրամասներՄոսկվան նախազգուշացում է հղել ԵրևանինԹվային դարաշրջանի սրացող «համավարակը». ի՞նչ վտանգներով է հղի էկրանների առջև չափից ավելի երկար ժամանակ անցկացնելը. «Փաստ»Ձեր ստեղծածը թղթե տնակ է՝ գունազարդված ու գեղեցիկ փաթեթավորված․ ադրբեջանցnւ անխոչընդոտ անցումն ու բանակում շարունակվող մահվшն ելքերը՝ վկա. Տիգրան ԱբրահամյանՋուր չի լինի մինչեւ 18:00-նԸնդդիմությունը մեծ ռիսկեր է տեսնում, իշխանությունը հակադարձում է. «Փաստ»Վանո Սիրադեղյանը նիստերին անհարգի բացակայությունների պատճառով զրկվել է Հայաստանի ԱԺ պատգամավորի մանդատից․ պատմության այս օրը (Նոյեմբերի 19)«Փորձում ենք ուժեղ լինել, Վոլոդյաս այդպես կցանկանար». Վոլոդյա Մխիթարյանն անմահացել է նոյեմբերի 9-ին Քարվաճառում. «Փաստ»Խաղաղության պատրանքը և ուժի գործոնն առաջ մղող միջազգային իրավիճակը. «Փաստ»Ինչ փոխարժեք է սահմանվել այսօրՑերեկվա տեւողությունը կրճատվել է 5 ժամ 11 րոպեով. ՍուրենյանՓոփոխություններ դեպի մի շարք երկրներ արտահանումների մասով արտոնությունների ծրագրում. «Փաստ»«Փորձում է «շպագատ» իջնել, բայց չի կարողանալու, իսկ արդյունքում միակ տուժողը մեր ժողովուրդն է լինելու». «Փաստ»Հավերժական «համեղ գործընկերները». ինչպես են դառնում իշխանությունների «սիրելին». «Փաստ»Ինչո՞ւ է Հայ առաքելական եկեղեցին գործող իշխանության գլխավոր թիրախը. «Փաստ»Ընդդիմադիրների ամենօրյա «կենցաղը»՝ դատարաններից մինչև կալանավայրեր. ինչպե՞ս սահմանափակել կալանքի համատարած կիրառումը. «Փաստ»Նոր աշխարհակարգի շեմին. ի՞նչ է սպասվում Հայաստանին ազդեցության գոտիների վերաբաժանման պայմաններում. «Փաստ»Արտահերթի ուրվականը. ընդդիմությունը փակում է սահմանադրական գործարքի դուռը. «Փաստ»Ավելի քան 40 ժամ ջուր չի լինելուԲյուրականում հայտնաբերվել է տուֆի ապօրինի արդյունահանման դեպքԳազայում սպանվել է ՀԱՄԱՍ-ի ռազմական թևի երկու հրամանատարԱռաջիկա օրերին տեղումները կշարունակվենՀայկ Մարտիրոսյանն առաջին խաղային օրը հաղթել է Ռապորտին․ Total ChessՊուտինն ու Թրամփը դեռ բովանդակային զրույց չեն ունեցել. ՊեսկովԶինծառայող է մահացել«Եղբայրս 200 տոկոս դաջվածք չի ունեցել». մահացած զինծառայողի եղբայրԻնչ է որոշվել տրամադրել Կիեւին «Ռամշտայն» ձևաչափով հանդիպմանըԵնոքավան-Կարմիրգյուղ ճանապարհին նոյեմբերի 19-ին պայթեցման աշխատանքներ կիրականացվենԻրանի բանակը հայտարարել է Քուվեյթի ռազմակայանում տեղակայված ամերիկյան Patriot համակարգերին հարվածելու մասինՍպասվում է կարճատև անձրև. օդի ջերմաստիճանն էապես չի փոխվի«Total Chess World Championship Tour Pilot 2026»-ում խաղային առաջին օրն ավարտվել է Հայկ Մարտիրոսյանի հաղթանակով
Ամենադիտված