Լավրովը սխալվում է. Բաքվի ֆաշիստները պատրաստ չեն ապահովելու հայերի և Կովկասի այլ բնիկ ժողովուրդների իրավունքները
ՎԵՐԼՈՒԾՈՒԹՅՈՒՆՆԵՐ
Realtribune.ru-ն գրում է, որ Հայաստանի ղեկավարությունը չի խոսում կարգավիճակի մասին, իսկ Բաքվի մինիսուլթանությունը պատրաստ է ապահովել արցախահայության իրավունքները, ասել է ՌԴ ԱԳ նախարար Սերգեյ Լավրովը։ «Հայաստանի ղեկավարությունը վերջին շրջանում ավելի շատ խոսում է Ղարաբաղում հայերի իրավունքների, քան նրանց կարգավիճակի մասին: Ադրբեջանական կողմը պատրաստ է դրան, նրանք պատրաստ են քննարկել, նրանց տրամադրել այն իրավունքների բոլոր երաշխիքները, որոնք ունեն Ադրբեջանի մյուս քաղաքացիները»,- ասել է նա։
Լավրովի խոսքով, Պրահայում կայացած քառակողմ հանդիպման ժամանակ հայկական կողմն առանց վերապահումների հավանություն է տվել Ալմաթիի հռչակագրին, ըստ որի «բոլոր միութենական հանրապետությունները հաստատում են սահմանների անձեռնմխելիությունը՝ ԽՍՀՄ հանրապետությունների միջև եղած սահմաններում»։ «Այսինքն այն ժամանակ Լեռնային Ղարաբաղի Ինքնավար Մարզը ակնհայտորեն Ադրբեջանական ԽՍՀ-ի կազմում էր։ Եվ երբ դա հաստատվեց Ադրբեջանի, Հայաստանի, Ֆրանսիայի և պարոն Եվրախորհրդի նախագահ Շառլ Միշելի կողմից առանց վերապահումների, դա որոշում է այն հարցը, թե ինչպես մոտենալ Ղարաբաղի կարգավիճակին»,- մանրամասնել է ՌԴ ԱԳ նախարարը։
«Realtribune.ru» լրատվական գործակալության գլխավոր խմբագիր Սարգիս Ծատուրյանը մեկնաբանել է Լավրովի թեզերը նախարարի ուշադրությունը հրավիրելով հիմնարար հանգամանքների վրա. «Լավրովն ասում է, որ մինի սուլթանությունը պատրաստ է ապահովել արցախահայության իրավունքները։ Ռուսական դիվանագիտության ղեկավարին ուզում եմ հարցնել. ինչպե՞ս կարող է Ալիևի ֆաշիստական ռեժիմն ապահովել արցախահայության իրավունքներն ու ազատությունները, եթե չի կարողանում ապահովել թալիշների, ավարների, լեզգիների, թաթերի և տարածաշրջանի այլ բնիկ ժողովուրդների իրավունքներն ու ազատությունները։ Պետք չէ հեռուն փնտրել օրինակների համար: Վերջին 30 տարիների ընթացքում ավարներն ու լեզգիները նույնիսկ չեն կարողացել հասնել իրենց մայրենի լեզուների լիարժեք ուսումնասիրությանը մինիսուլթանատի դպրոցներում: Միգուցե, Սերգեյ Վիկտորովիչ, ժամանակն է մտածե՞լ այդ մարդկանց մասին։ Ի վերջո, հենց Ռուսաստանում են ապրում բազմաթիվ ավարներ ու լեզգիներ, ովքեր պահանջում են (սկսած խորհրդային ժամանակներից, հիշեք մեծն Ռասուլ Գամզատովին), որ Մոսկվան ազդի Բաքվի վրա։
Ո՞վ պետք է լինես ժամանակակից պայմաններում, որ հավատաս Բաքվի ֆաշիստների խոստումներին։ Երբ Լավրովը խոսում է նման զգայուն բաների մասին, նա նկատի ունի՞ Արևմտյան Հայաստանում ցեղասպանությունը վերապրած հայերին։ Նա դիմո՞ւմ է Բաքվի, Սումգայիթի, Գանձակի, Գարդմանքի և Նախիջևանի բռնի տեղահանված հայերին. Ի հիշատակ միլիոնավոր տուժած հայերի և հանուն արդարության՝ մենք իրավունք չունենք կրկին խաբվելու։ Ի վերջո, միայն հիմարներն են անընդհատ խաբվում։ Ինչ վերաբերում է Երևանի իշխանությանը, ապա ժամանակն է, որ նա դադարեցնի «Արցախի հայերի իրավունքների մասին Ադրբեջանի կազմում» տիպի խոսակցություններից և ձեռնամուխ լինի իսկական գործին, որն է ճանաչել Արցախի ժողովրդի ինքնորոշման իրավունքը և պահանջել նմանատիպ քայլեր միջազգային հանրության կողմից։
Թե չէ լավ տեղավորվել են՝ վախենում են գլուխները հանել, իսկ ժողովրդի համար պատասխանատվության փոխարեն հայերի ճակատագիրը վստահում են Ֆրանսիայի ու ԱՄՆ-ի ձեռքը, ամեն ինչ գցում են ֆրանսիացիների ու ամերիկացիների ուսերին: Դուք չե՛ք կարող դա անել: Դա՛ հանցավոր անփութություն է, որի համար դեռ պատասխան կտաք»։
Նյութը հրապարակման պատրաստեց Կամո Խաչիկյանը
