Ադրբեջանցիների հետ նովրուզ տոնող Մարիա Կարապետյանի «առևտուրը» Արցախի հարցում

Երեկ «Ազատության» հետ զրույցում «Քաղաքացիական պայմանագիր» խմբակցության պատգամավոր Մարիա Կարապետյանը ուշագրավ հայտարարություն է արել՝ նշելով, որ իշխանությունները հանձնառու են պաշտպանել Լեռնային Ղարաբաղի ժողովրդին, բայց ոչ ՀՀ-ն գրավ դնելու գնով:

Անշուշտ սորոսական շրջանակների հետ սերտ կապեր ունեցող պատգամավորը չի ցանկանում բարձրաձայնել, թե ինչու և ում պատճառով ենք հասել մի իրավիճակի, երբ արցախահայության շահերը պաշտպանելը հնարավոր է դառնում միայն ՀՀ-ն գրավ դնելով, սակայն Կարապետյանը շեղվում է նաև ՔՊ և կառավարության ծրագրերից, որտեղ սևով սպիտակի վրա գրված է, որ Հայաստանը հանդիսանում է Արցախի Հանրապետության անվտանգության գարանտը և դրա գինը երկու փաստաթղթերում էլ նշված չէ:

Ամիսներ առաջ նույն Մարիա Կարապետյանը հայտարարում էր, որ  Հայաստանի համար հիմնարար է Արցախի վերջնական կարգավիճակի հարցը։

Ինչպես երևում է ՝ ադրբեջանցիների հետ նովրուզ տոնող Կարապետյանը մոռացել է, թե նախկինում ինչ դիրքորոշումներով է հանդես եկել և ինչ-որ պահից սկսած Արցախը նրա համար էլ է բեռ դարձել: Պարզվում է, որ Արցախի հարցը առևտուր է, որտեղ կողմերը կամ համաձայնվում են, կամ չեն համաձայնվում վճարել այս կամ այն գինը...