«Բրեդիխին. Հայաստանը սադրում է ՆԱՏՕ–ի բանակի մուտքը տարածաշրջան, և դա նոր պատերազմի սկիզբը կլինի»
ՎԵՐԼՈՒԾՈՒԹՅՈՒՆՆԵՐ
Tsargrad.tv–ն գրում է, որ Հայաստանը նախատեսում է ՆԱՏՕ-ի զորքեր մտցնել Անդրկովկաս, և դա կարող է հանգեցնել նոր պատերազմի մեկնարկի և տարածաշրջանում ռուսական ազդեցության կորստի։ Նման կարծիք է հայտնել Էթնիկ և միջազգային հետազոտությունների կենտրոնի գիտական ղեկավար, քաղաքագետ Անտոն Բրեդիխինը tsargrad.tv–ի հետ զրույցում:
Նա նաև նշել է, որ Հայաստանի իշխանությունները մեղադրում են Ռուսաստանին Երևանին չօգնելու համար, և հիմա երկիրը ՀԱՊԿ-ից դուրս գալու ճանապարհին է։ Բրեդիխինը այն կարծիքին է, որ Արևմուտքն է ճնշում գործադրում Հայաստանի վրա։ Արևմուտքը փորձում է պետությանը համոզել իր կողմը բռնելու և ՀԱՊԿ-ը ՆԱՏՕ-ի հետ փոխելու անհրաժեշտության մեջ, իսկ երկրի ղեկավարությունն արդեն փորձում է այդ հարցը բարձրացնել հայ հասարակության մեջ։
«Այդ դեպքում տեղի կունենա Կովկասի ամբողջական կորուստ, հողերի փոխանցում ՆԱՏՕ-ի վերահսկողության տակ: Իսկ Ադրբեջանը կլինի այն երկրներից մեկը, որտեղ կսկսվի պատերազմը։ Ադրբեջանը, Իրանը և Թուրքիան են ներքաշվելու ընդհանուր կոնֆլիկտի մեջ, որը տեղի կունենա այն բանից հետո, երբ Փաշինյանը կավարտի իր կոմբինացիան և հնարավորություն կտա ՆԱՏՕ-ի զորքերին մտնել տարածաշրջանում»,- նշել է փորձագետը։
Բրեդիխինն ընդգծել է, որ դրա համար Մոսկվան պետք է հաստատակամ դիրքորոշում ընդունի և հնարավորինս կոշտ գործի, որպեսզի կանխի նման սցենարի զարգացումը։
Նյութը հրապարակման պատրաստեց Կամո Խաչիկյանը
