Խակասիայում «Բարեկամության միջազգային տուն» նախագիծը քայլ է դեպի ժողովուրդների իրական բարեկամություն
ՔԱՂԱՔԱԿԱՆՈՒԹՅՈՒՆ
Pulse19.ru-ն գրում է, որ հետխորհրդային տարածքում ընթացող բացասական աշխարհաքաղաքական գործընթացների լույսի ներքո նախկին Խորհրդային Միության բոլոր ժողովուրդների միավորումն ու փոխգործակցությունը կարևորագույն խնդիրներից են։ Այդ նպատակով էլ Խակասիայում ստեղծվել է «Բարեկամության միջազգային տուն», որի նախագահ է նշանակվել Միխայիլ Անտոնևիչը։ «Բարեկամության միջազգային տան» խորհրդում ընդգրկվել են Խակասիայի Հանրապետության տարածքում բնակվող ազգությունների ներկայացուցիչներ։
Այսօր «Բարեկամության միջազգային տան» հիմնական խնդիրն է խթանել միջազգային համագործակցությունը տարբեր ոլորտներում՝ առևտրատնտեսական, գիտատեխնիկական, սոցիալական և հումանիտար։ Ոչ պակաս կարևոր է միջազգային համագործակցության զարգացմանը, համատեղ արտադրական, գիտատեխնիկական, ներդրումային և առևտրային գործունեության արդյունավետ միջազգային ձևերին անցնելը, ինչպես նաև օտարերկրյա ներդրումներով տնտեսվարող սուբյեկտների ստեղծմանը և գործունեությանը նպաստելը:
«Բարեկամության միջազգային տունը» աշխատում է երկու ուղղությամբ՝ գոյություն ունեցող միջազգային հարաբերությունների կառուցում և պահպանում, աշխատանք ազգային խմբերի հետ Խակասիայի, սփյուռքի, համայնքների տարածքում։
«Բարեկամության միջազգային տան» խորհրդի ակտիվ անդամներից է Սփյուռքի հայկական կառույցի նախագահ Իսկանդարյան Գրիգոր Գագիկովիչը։ նա ծնվել է Հայաստանի Հոկտեմբերյան (այժմ Արմավիր) քաղաքում։ Ապրում է Խակասիայում 1994 թվականից՝ 10 տարեկանից։ Այն ժամանակ շատ դժվար ժամանակներ էին, հատկապես Հայաստանում։ Իսկ Խակասիայում երկու շատ կարևոր գործոն են սերտաճել՝ հանգիստ միջավայրը և լավ կլիման։ Դա էլ ազդել է նրա ծնողների այդտեղ մնալու որոշման վրա։ Խակասիայում Գրիգոր Իսկանդարյանն ավարտել է միջնակարգ դպրոցը, և այդտեղ էլ ընդունվել ինստիտուտ։ Ապա ակադեմիական արձակուրդ է վերցրել և ծառայության անցել ՌԴ ԶՈւ շարքերում։ Զորացրվելուց հետո վերականգնվել է Մոսկվայի պետական տնտեսագիտության համալսարանի վիճակագրության և ինֆորմատիկայի մասնաճյուղում։ Ստացել է իրավաբանի գիտական աստիճան։ Այս պահին նրա լավ կառուցված բիզնեսը կայուն պտուղներ է տալիս թույլ տալով լավատեսությամբ նայել ապագային։
Գրիգոր Գագիկովիչը պատմել է Աբականում փոքրիկ հրապարակ ստեղծելու իր և հայկական սփյուռքի ծրագրերի մասին, որտեղ կտեղադրվի իր հայրենիքից մի կտոր՝ ձեռագործ ուղղափառ խաչ։ Խաչի ընդհանուր բարձրությունը պատվանդանի հետ միասին կկազմի մոտ 4 մետր։ Այն ստեղծվել է Հայաստանում հայտնի վարպետի ձեռքերով։
Որպես հայկական սփյուռքի ներկայացուցիչ Գրիգոր Գագիկովիչը մասնակցել «Բարեկամության միջազգային տան» աշխատանքներին, դրան դրդել է մարդկանց օգնելու ցանկությունը։ Հայաստանի ցանկացած բնակիչ պետք է իմանա, որ ժամանելով Խակասիա միշտ կարող է դիմել հայկական սփյուռքի օգնությանը։ Ճշմարտությունն այն է, որ, ինչպես մեզ ասել է Գրիգոր Գագիկովիչը, այժմ այստեղ շատ հայեր չկան։
Գրիգոր Գագիկովիչի խոսքով ինքը բավականաչափ ընկերներ ունի տարբեր սփյուռքներում: Դա ևս մեկ անգամ հստակորեն ապացուցում է, որ ժողովուրդների բարեկամությունն ամենևին էլ անցողիկ հասկացություն չէ։ Եվ ուրեմն, «Բարեկամության միջազգային տունը» անհրաժեշտ և ժամանակին ստեղծված կազմակերպություն է, ինչպես երբեք։
Նյութը հրապարակման պատրաստեց Կամո Խաչիկյանը
