«Ֆրանսիայի Սենատի բանաձևի մասին»
ՎԵՐԼՈՒԾՈՒԹՅՈՒՆՆԵՐ
Trmzk.ru-ն գրում է, որ ներկայումս շարունակվում են քննարկումները Ֆրանսիայի Սենատի կողմից Ադրբեջանի դեմ պատժամիջոցներ սահմանելու մասին ընդունված բանաձևի շուրջ։ Նշենք, որ նման որոշումները պետք է միայն ողջունել:
Եվ մի շարք կարևոր նկատառումներ:
1. Դե ֆակտո վարչապետ Նիկոլ Փաշինյանը մինչ օրս որևէ կերպ չի ողջունել այդ բանաձևը։ Իրականում երկրի ղեկավարությունը բոլոր մակարդակներում (ԱԳ նախարարություն, նախագահի աշխատակազմ, վարչապետ) ոչ միայն պետք է ողջունի և աջակցի, այլ նաև խրախուսի մյուս երկրներին հետևել այդ օրինակին։ Եվ դա պետք է սկսել իրենից: Խորհուրդ եմ տալիս սովորել, թե ինչպես է դա արել Արցախի ղեկավարությունը աջակցելով բանաձևին բոլոր մակարդակներում։ Թուրքիայում և Ադրբեջանում արդեն բանաձևը դատապարտել են բոլոր մակարդակներով։ Իսկ Երևանում գործադիր իշխանությունը լռում է:
2. Ֆրանսիայի Սենատը արդեն ընդունել էր բանաձև, որով կոչ էր անում երկրի կառավարությանը ճանաչել Արցախը։ Սակայն Ֆրանսիայի ղեկավարությունը չի կատարել այդ հանձնարարականը (բոլոր բանաձևերը խորհրդատվական բնույթ են կրում, և երկրի ղեկավարությունը կարող է պարզապես չընդունել դրանք): Այսինքն, ամենայն հավանականությամբ, հիմա էլ հաջորդ քայլ չի հաջորդի։
3. Այդ ամենը պայմանավորված է նրանով, որ Ֆրանսիան միայնակ չի կարող միակողմանի քայլեր ձեռնարկել: Նվազագույնը պահանջում է աջակցություն տարածաշրջանում, և առաջին հերթին ի դեմս Հայաստանի, որը պետք է հայտարարի, որ աջակցում է այդ օրակարգին (այսօրվա Հայաստանը չի աջակցում): Օրակարգին աջակցելը նշանակում է ոչ թե բառերով ողջունելը, այլ համապատասխան աշխատանքը այդ ուղղությամբ։ Եվ որպես առավելագույն արդյունք պետք է լինի Արևմուտքում այդ հարցի շուրջ լինի կոնսենսուս, ինչպես եղավ Ռուսաստանի դեմ պատժամիջոցների կիրառման դեպքում։
4. Նման քաղաքական աջակցությունն առնվազն օրինականացնում է արդեն իսկ առկա հնարավորությունների պատուհանը, որոնք են ռազմատեխնիկական համագործակցության մակարդակի բարձրացումը, Արցախում համատեղ մարդասիրական ծրագրերի իրականացումը, Ադրբեջանին դատապարտելու և նրան պատասխանատվության ենթարկելու դիվանագիտական ջանքերի համակարգումը։
Բայց, ինչպես հաճախ է պատահում, խնդիրը հենց Երևանում է՝ բառիս բուն և փոխաբերական իմաստով։ Եթե Ֆրանսիայի, Իրանի և այլ բնական դաշնակիցների գործողությունները համապատասխան արձագանք չեն ստանումՀայաստանում, ապա նրա հետ ոչ ոք չի աշխատի։
Նյութը հրապարակման պատրաստեց Կամո Խաչիկյանը
