ՀԱՊԿ-ն հայտարարություն է տարածել
ՄԻՋԱԶԳԱՅԻՆ
Տեղի է ունեցել ՀԱՊԿ Հավաքական անվտանգության խորհրդի արտահերթ նիստ, որին նախորդել են կազմակերպության անդամ երկրների արտաքին գործերի նախարարների խորհրդակցությունները: Այս մասին ասված է ՀԱՊԿ մամուլի ծառայության հայտարարության մեջ:
«Նիստին մասնակցում էին Հայաստանի Հանրապետության վարչապետ Նիկոլ Փաշինյանը, Բելառուսի Հանրապետության նախագահ Ալեքսանդր Լուկաշենկոն, Ղազախստանի Հանրապետության նախագահ Կասիմ-Ժոմարտ Տոկաևը, Ղրղզստանի Հանրապետության նախագահ Սադիր Ժապարովը, ՌԴ նախագահ Վլադիմիր Պուտինը, Տաջիկստանի Հանրապետության նախագահ Էմոմալի Ռահմոնը եւ ՀԱՊԿ գլխավոր քարտուղար Ստանիսլավ Զասը:
Նիստի ընթացքում լսվել է ՀԱՊԿ գլխավոր քարտուղար Ստանիսլավ Զասի տեղեկությունը հայ-ադրբեջանական սահմանին իրավիճակի սրման հետ կապված Հայաստանի Հանրապետություն ուղարկված կազմակերպության առաքելության աշխատանքի վերաբերյալ։
ՀԱՊԿ անդամները, վերահաստատելով կազմակերպության հանձնառությունը՝ ամրապնդելու խաղաղությունը, միջազգային և տարածաշրջանային անվտանգությունն ու կայունությունը, հավաքականորեն պաշտպանելով ՀԱՊԿ անդամ երկրների անկախությունը, տարածքային ամբողջականությունը և ինքնիշխանությունը, քննարկել են տարածաշրջանում առկա իրավիճակը և Հայաստանի հանրապետությանը օգնություն ցուցաբերելու համատեղ միջոցառումները։
Հստակ համոզմունք է արտահայտվել, որ առկա հակասությունները և վիճելի հարցերը պետք է լուծվեն քաղաքական և դիվանագիտական միջոցներով, այդ թվում՝ Հայաստանի վարչապետի, Ռուսաստանի նախագահի և Ադրբեջանի նախագահի կողմից 2020 թվականի նոյեմբերի 9-ին, 2021 թվականի հունվարի 11-ին և 2021 թվականի նոյեմբերի 26-ին ընդունված եռակողմ հայտարարություններում ամրագրված պայմանավորվածություններին համապատասխան։
Նիստի ավարտից հետո ՀԱՊԿ ԿԱԽ անդամները հանդես են եկել մի շարք առաջարկություններով՝ համապատասխան որոշումների նախագծերը վերջնական տեսքի բերելու համար»,- ասված է է հայտարարության մեջ։
