Ռուսական շրջանակները զայրացել են Փաշինյանի վարքից. նոր հավաք կլինի Երևանում

Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը հոկտեմբերի վերջին հնարավոր է Ռուսաստանում՝ Սոչիում եռակողմ բանակցություններ անցկացնեն՝ Վլադիմիր Պուտինի մասնակցությամբ։

Ռուսական «Վեդոմոստի»-ին տեղեկությունը հայտնել է դիվանագիտական աղբյուրը։ Ըստ պարբերականի՝ հանդիպումը սկսել է նախապատրաստվել ԱՊՀ գագաթնաժողովում Պուտինի ելույթից հետո: Սպասվող հանդիպման վերաբերյալ պաշտոնական տեղեկություն կողմերը դեռ չեն տարածել։ Հայաստանի կառավարությունից էլ ոչ հերքում, ոչ էլ հաստատում են։

1or.am-ն արդեն հայտնել է, որ հանդիպումը կարող է մեկ օր շուտ կայանալ, տեխնիկական պատճառներով։ Տեղեկության տարածումից հետո ռուսական մեդիադաշտը լայնածավալ արշավ է սկսել Հայաստանի գործող վարչախմբի դեմ, ինչը վկայում է՝ ռուսական կողմը հստակ գիտակցում է, թե Փաշինյանը փորձում է գցել իրենց, գործ բռնել բացառապես Արևմուտքի հետ, իսկ Հարավային Կովկասը զրկել ռուսական ազդեցությունից։

Ռուսական քաղաքական շրջանակները միայն մեդիագրոհներով չեն սահմանափակվի։ Հոկտեմբերի 28-ին կայանալու է «Լազարևյան ակումբի» նիստը, Երևան է ժամանելու նաև ակումբի ղեկավար կոնստանտին Զատուլինը, և փորձագիտական ու քաղաքական մակարդակներում էլ հանդիպումներ են լինելու։

Մեր տեղեկություններով, ռուսական շրջանակները մտահոգված են Փաշինյանի և նրա կողմնակիցների վարքից, ջանքեր են գործադրում մասնակի իշխանափոխության սխեման առաջ մղելու, Հայաստանի գործող վարչախմբին հեռացնելու ուղղությամբ։