Տեխասում հայկական եկեղեցի է կառուցվել յուրահատուկ ճենապակյա պանելներով
ՎԵՐԼՈՒԾՈՒԹՅՈՒՆՆԵՐ
Move.ru-ն գրում է, որ ամերիկացի ճարտարապետ Դեյվիդ Հոթսոնը և ճարտարապետական դիզայներ Անի Սահակյանն ավարտել են Տեխասում կառուցված Սուրբ Սարգիս հայկական եկեղեցու աշխատանքները։ Նախագիծը հաջողությամբ համատեղել է ավանդույթն ու նորարարությունը: Հայկական կրոնական ճարտարապետության դասական գծերով պատրաստված ճակատները զարդարված են ոչ թե փորագրված քարե պանելներով, այլ Fiandre Architectural Surfaces ճենապակյա սալերով։ Դրանք թվային տպագրված են 1,5 միլիոն եզակի պատկերներով և տեսարաններով:
Հայաստանի մայրաքաղաքում իրենց մասնագիտացված կրթությունը ստացած ճարտարապետները եկեղեցու արևմտյան ճակատինպատկերել են խաչքար՝ Երևանի շրջակայքում գտնվող Սուրբ Հռիփսիմե միջնադարյան եկեղեցու նման։ Դա հայկական ավանդական խաչ է, որը խորհրդանշում է կենաց ծառը և զարդարված է բնորոշ ծաղկային զարդանախշով, որը փոխառված է հայկական մոնումենտալ արվեստի տարբեր հուշարձաններից։ Խաչքարը ասոցացվում է ոչ միայն քրիստոնեական հավատքի հետ, այլ նաև համարվում է 20-րդ դարի առաջին կեսին տեղի ունեցած Հայոց ցեղասպանության հուշարձան, ինչպես նաև ցույց է տալիս սերունդների անխզելի կապը։ Սուրբ Հռիփսիմե եկեղեցու տեսքով նախատիպը նույնպես պատահական չի ընտրվել. այն 618 թվականին կառուցված ավատքի և հաստատակամության ևս մեկ խորհրդանիշ է։
Եկեղեցու ճակատների ավելի ուշադիր ուսումնասիրության արդյունքում պարզվում է, որ սալերը պատված են պիքսելներից բաղկացած մանրադիտակային պատկերներով։ Այդ մոտեցումը հնարավորություն է տվել մեկուկես միլիոն պատկեր տեղադրել ճակատների վրա։ Դրանք բոլորը տպագրված են շատ բարձր լուծաչափով (տպված DYS համակարգով) և վերաբերում են կլոր վարդազարդ խորհրդանշաններին, որոնք զարդարում են նաև բուն Հայաստանի պատմական եկեղեցիները։ Դիզայնը մշակելիս օգտագործվել է հատուկ համակարգչային սցենար, որը հիմնված է հարյուրավոր հայտնի մոտիվների վրա։ Դրանք դասավորված են որոշակի հերթականությամբ և ավելի մեծ նախշեր են ստեղծել։ Ճենապակյա սալերը, հանդես գալով որպես հիմք, կատարելապես համապատասխանում են պահանջվող պիքսելային մոդուլներին: Տպագրությունը շատ լավ կպչում է մակերեսին, և չի վախենում մթնոլորտային ազդեցություններից, մասնավորապես չի գունաթափվում արևի տակ և չի տուժում անձրևից։
Տեխաս նահանգի Քերոլթոն քաղաքում գտնվող այդ հայկական եկեղեցին անցորդներին օպտիկականորեն ներգրավելու տեխնոլոգիայի գործնական կիրառման առաջին օրինակն է այն տեսողական պատկերների շարքում, որոնք բնադրված են միմյանց մեջ:
Նյութը հրապարակման պատրաստեց Կամո Խաչիկյանը
