Ռուսները սկսել են երեք անգամ ավելի ակտիվ սեր փնտրել ծանոթությունների կայքերում
ՎԵՐԼՈՒԾՈՒԹՅՈՒՆՆԵՐ
Mosregtoday.ru–ն գրում է, որ մասնակի մոբիլիզացիայի մեկնարկից հետո Ռուսաստանը լքած տղամարդիկ ակտիվորեն գրանցվում են ծանոթությունների կայքերում։ Ծանոթությունների «Մամբա» ծառայությունը գրանցել է նոր օգտատերերի աճ արտագաղթի համար ամենապահանջված երկրներում։ Առաջատարը Հայաստանն էր, որտեղ գրանցումների թիվն աճել է 135%-ով։ Վրաստանում և Թուրքիայում գրանցումներն աճել են 120%-ով և 110%-ով։ Ավելի փոքր աճ է նկատվում Ղազախստանում և Բելառուսում՝ համապատասխանաբար 32% և 19%։
Ռուսաստանում գրանցումների թիվը նվազել է մոբիլիզացիայի մեկնարկից հետո առաջին երեք օրվա ընթացքում։ Սակայն շաբաթվա ընթացքում ցուցանիշն աճել է 17%-ով, տղամարդկանց գրանցումն աճել է 44%-ով, կանանցը՝ 14%-ով։
Նաև համաճարակի ընթացքում էր ավելացել նոր օգտատերերի թիվը։ Բայց ոչ բոլորն են հավանություն տալիս և սիրում առցանց ծանոթությունները: Կան ռոմանտիկներ, ովքեր կարծում են, որ կյանքում հանդիպելը շատ ավելի լավ է: «Չեմ կարծում, որ Tinder-ի նման հավելվածներ ընդհանրապես պետք է գոյություն ունենան: Դրանց ամենակարևոր էությունը զուգընկեր գտնելն է, բայց ես ավելի շատ կողմ եմ նրան, որ նա ինքը քեզ գտնի և ակնհայտորեն ոչ ինտերնետում», - ասել է ռուս կին Եվգենի Ռ.–ն:
Ինչպես նշում է հոգեբան Ալեքսանդրա Մետալնիկովան, մարդկանց մեծամասնությունը դժվարություններ ունի ծանոթությունների հետ ինչպես կյանքում, այնպես էլ համացանցում։ «Որպեսզի դուք հանգիստ գտնեք ձեր սերը, դուք պետք է հստակ և պարզ իմանաք, թե ում եք փնտրում: Ինքներդ ձեզ հարցեր տվեք. ինչպիսի՞ հարաբերությունների կարիք ունեմ, ո՞ւմ եմ պետք, ու՞մ եմ ուզում լինի: Ամենակարևորն այն է, թե ում ես ուզում լինի: Որքան շատ մտածեք, այնքան ավելի հեշտ կլինի ձեզ համար ինչ որ մեկին ճանաչելը: Այնուամենայնիվ, պետք չէ ընտրել արտաքին տեսքով, պետք է ընտրել սրտի արձագանքով»,- խորհուրդ է տալիս փորձագետը։
Նյութը հրապարակման պատրաստեց Կամո Խաչիկյանը
