Հայաստանի պատմության թանգարանում բացվել է քարե դարին նվիրված ցուցահանդես
ՄՇԱԿՈՒՅԹ
Mir24.tv-ն գրում է, որ երկու տարի տևած վերականգնումից հետո Հայաստանի պատմության թանգարանում բացվել է քարե դարին նվիրված ցուցահանդես։ Ցուցահանդեսին ներկայացված են հարյուրից ավելի հազվագյուտ իրեր երկրի տարբեր շրջաններից։ Ամենահետաքրքիր ցուցանմուշներն ուշադիր ուսումնասիրել է MIR 24-ի թղթակից Նոնա Հովհաննիսյանը։
Ցուցահանդեսի հպարտությունը աշխարհի ամենահին կաշվե կոշիկներն են, որոնք պահպանվել են մինչ օրս: Նրա տարիքը մոտ 5,5 հազար տարի է։ Ցուցանմուշի մոտ նրա ճշգրիտ պատճենն է, որպեսզի յուրաքանչյուր այցելու կարողանա ոչ միայն տեսնել, այլ նաև դիպչել և մանրամասն ուսումնասիրել ցուցանմուշը:
Կոշիկը պատրաստված է կովի կաշվից, ներսը ծղոտ է, որը ոտքի ձևի է և ծառայել որպես ներբան: Կոշիկները լավ են պահպանվել քարանձավի միկրոկլիմայի շնորհիվ, որում դրանք հայտնաբերվել են։
«Այս ցուցահանդեսը հնարավորություն է տալիս պատկերացում կազմել այն ժամանակվա Հայկական լեռնաշխարհի մշակութային առանձնահատկությունների մասին։ Այստեղ ներկայացված ցուցանմուշները ցույց են տալիս, որ քարի դարում ապրած մարդիկ արդեն ունեին բարձր զարգացած մշակույթ»,- ասել է էքսպոզիցիայի այցելու, ազգագրագետ Աշխունջ Պողոսյանը։
Այդ մասին է վկայում կնիքը, որը հայտնաբերվել է Ակնաշենում։ Դա առաջին նեոլիթյան բնակավայրն է, որը հայտնի է Արարատյան դաշտի տարածքում։ Հենց այնտեղ էլ տեղի է ունեցել բնակարանաշինության և կերամիկայի արտադրության առաջին փորձը։ Գիտնականներն ասում են, որ կերամիկական բեկորների վրա վերջերս հայտնաբերված կնիքի հետքերը նշանակում են, որ եղել է սոցիալ-տնտեսական հարաբերությունների բարձր մակարդակ:
«Նեոլիթը, ի տարբերություն նախորդ դարաշրջանների, այն է, երբ մարդը սկսել է արտադրել ոչ միայն իր օգտոգործման իրեր, այլ նաև արտադրանքի ավելցուկ է եղել: Եվ, իհարկե, դրա մի մասը պետք է փոխանակվեր, զարգացել է ապրանքափոխանակությունը։ Հայկական լեռնաշխարհը դարձել է ապրանքափոխանակության հնագույն կենտրոններից մեկը»,- պատմել է Հայաստանի պատմության թանգարանի հնագիտության բաժնի գիտաշխատող Արմինե Զոհրաբյանը։
Թանգարանների ցուցափեղկերին ներկայացված են նաև օբսիդիանից գործիքներ։ Փորձագետները չեն բացառում, որ քարե դարում այդ տարածքում ապրել են արհեստավորներ, որոնք դրանք ստեղծել են «արտահանման» համար։ Հազվագյուտ ցուցանմուշների ցուցադրությունը մշտական է լինելու:
Նյութը հրապարակման պատրաստեց Կամո Խաչիկյանը
