Պատմության այս օրը (սեպտեմբերի 27)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - Զբոսաշրջության համաշխարհային օր, Ծովի համաշխարհային օր, Մեքսիկա՝ Անկախության պատերազմի ավարտի օր, Բելգիա՝ ֆրանկախոս հասարկության օր, Ռուսաստան՝ Նախադպրոցական հաստատությունների աշխատողների օր, Ուկրաինա՝ Զբոսաշրջության օր, Մոնղոլիա՝ Հեռուստատեսության օր:
ՀԱՅԱՍՏԱՆՈՒՄ
1829– Ֆրիդրիխ Պարրոտն ու Խաչատուր Աբովյանը առաջին անգամ բարձրացել են Արարատի գագաթը:
1914– վախճանվել է նշանավոր ֆիդայի, ազգային ազատագրական շարժման գործիչ Նիկոլ Դումանը:
1950 – ծնվել է նկարիչ Հենրի Գարուկյանը, որը կատարել է ներկայացումների, ամսագրերի, ինչպես նաև ինտերիերի ձևավորումներ կերամիկայի, գոբելենի և քանդակի ժանրերում։
1976 – վախճանվել է հայ խորհրդային մեխանիկ, Երևանի պոլիտեխնիկական ինստիտուտի բարձրագույն մաթեմատիկայի ամբիոնի վարիչ Արտավազդ Մխիթարյանը, որի ղեկավարությամբ կատարվել են Սևանա լճի պրոբլեմի լուծման հիմնարար հետազոտություններ։
2004– Երևանի խորհուրդը հաստատել է Երևանի դրոշը:
2005– վախճանվել է հայ խորհրդային դիվանագետ, պատմական գիտությունների դոկտոր Վիկտոր Իսրաելյանը:
- Ադրբեջանի ազգային անվտանգության նախարարությունը Ֆիզուլիի շրջանի Բեյուք Բաղմանլի գյուղում հատուկ օպերացիա է իրականացրել, որի արդյունքում ձերբակալվել է 20 մարդ, ովքեր մեղադրվել են «հայերի հետ համագործակցելու» մեջ:
2006-Կալիֆոռնիայի նահանգապետ Առնոլդ Շվարցենեգերը ստորագրել է Հայոց ցեղասպանությունից տուժածների կամ նրանց հետնորդների իրավունքների պաշտպանությանն ուղղված օրենք:
2008- Մայր Աթոռ Սուրբ Էջմիածնում Գարեգին Բ Ամենայն Հայոց Կաթողիկոսի ձեռամբ տեղի է ունեցել նորակառույց Ս. Վարդան և Ս. Հովհաննես Մկրտիչ մատուռ-մկրտարանի օծման արարողությունը:
2020-ադրբեջանական բանակը հարձակվել է Լեռնային Ղարաբաղի վրա հյուսիսային և հարավային ուղղություններով զրահատեխնիկայի, ավիացիայի և հրետանու մասսիվ օգտագործմամբ: Սկսվել է 44-օրյա ղարաբաղյան երկրորդ պատերազմը:
ԱՇԽԱՐՀՈՒՄ
489 –օստգոթերի Իտալիայի նվաճման արշավանքի ժամանակ Վերոնա քաղաքի մոտ տեղի է ունեցել ճակատամարտ, որի ժամանակ Թեոդրիխ Մեծի ղեկավարած օստգոթական բանակը հաղթել է Իտալիայի թագավոր Օդոակրի գլխավորած բանակին:
1066 —Նորմանդիայի հերցոգ Վիլհելմ Նվաճողի բանակը, նավերով անցնելով Լա-Մանշը, ափհանվել է անգլիական Պեվենսի քաղաքի շրջակայքում:
1130 —Հարավային Իտալիան և Սիցիլիան միավորվել են՝ ստեղծելով Սիցիլիական թագավորություն:
1480 —Իսպանիայի կառավարիչներ Իզաբելլա Կաստիլսկայան և Ֆերդինանդ Արագոնցին Հռոմի պապ Սիքստ 4-րդի թույլատվությամբ ստեղծել են Իսպանական ինկվիզիցիան:
1590 –Հռոմի պապ Ուրբան 7-րդը վախճանվել է պապ ընտրվելուց ընդամենը 13 օր անց:
1672 —Աֆրիկյան Թագավորական ընկերությունը (Անգլիա) ստացել է Աֆրիկայի ստրուկների վաճառքի մոնոպոլ իրավունք:
1777 - Փենսիլվանիայի Լանկաստեր քաղաքը մեկ օրով դարձել է ԱՄՆ-ի մայրաքաղաք:
1818- ծնվել է գերմանացի քիմիկոս Ադոլֆ Վիլհելմ Հերման Կոլբեն:
1821 - Մեքսիկան ձեռք է բերել անկախություն Իսպանիայից:
1821 - Ժան Ֆրանսուա Շամպոլյոնը հայտարարում է, որ վերծանել է Ռոզետյան քարը:
1863 —Սանկտ-Պետերբուրգում բացվել է Ռուսաստանում առաջին մանկապարտեզը:
1891 – վախճանվել է ռուս գրող Իվան Գոնչարովը:
1905– գերմանական «Annalen der Physik» թերթում տպագրվել է Ալբերտ Էյնշտեյնի հոդվածը, որտեղ առաջին անգամ օգտագործվել է նշանավոր E=mc² բանաձևը:
1913– ծնվել է ամերիկացի հոգեբան, աշխարհի ամենանշանավոր հոգեթերապևտներից մեկը հանդիսացող Ալբերթ Էլլիսը:
1917 –վախճանվել է ֆրանսիացի նկարիչ Էդգար Դեգան:
1931 – ծնվել է ավստրիացի երգիչ, դերասան Ֆրեդի Քուինը:
1937 —Ալբիոն քաղաքում (Նյու-Յորք նահանգ) բացվել է առաջին Սանտա-Կլաուսների ուսուցման դպրոցը:
1940 —Երկրորդ համաշխարհային պատերազմի ժամանակ Բեռլինում Գերմանիան, Իտալիան և Ճապոնիան ստորագրել են Եռյակ դաշինքի պայմանագիրը:
1941 —Սիրիան հայտարարվել է անկախ պետություն:
1959 - Հոնսյու կղզում տեղի ունեցած թայֆունի զոհ է դարձել 5000 մարդ:
1984– ծնվել է կանադացի հանրահայտ երգչուհի Ավրիլ Լավինը:
1998- ստեղծվել է Գուգլ կայքը:
1990– ԽՍՀՄ-ը մտել է Ինտերպոլի մեջ:
1991 —ԽՍՀՄ Կոմերիտմիության 22-րդ արտահերթ համագումարը որոշել է դադարեցնել կազմակերպության գործունեությունը:
1993 —վարց-աբխազական պատերազմի ժամանակ սկսվել են մարտերը Սուխումիի համար, որի արդյունքում քաղաքը անցել է աբխազների ձեռքը:
1996 —գրավելով Քաբուլը՝ թալիբները կախել են Աֆղանստանի նախկին նախագահ Մուհամեդ Նաջիբուլլային:
Նյութը հրապարակման պատրաստեց Կամո Խաչիկյանը
