Պատմության այս օրը (սեպտեմբերի 20)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - Թաիլանդ՝ Երիտասարդության օր, Հարավային Կորեա՝ Երախտագիտության օր, Հարավային Օսիա՝ Անկախության օր, Ճապոնիա՝ Օդի օր, Վենեսուելա, Պերու, Ուրուգվայ՝ Մտքի ազատ արտահայտման օր, Ադրբեջան՝ Նավթագործների օր, Բելոռուս՝ Մաքսավորների օր, Ղրղզստան՝ Ձեռներեցների օր:
ՀԱՅԱՍՏԱՆՈՒՄ
1908 – ծնվել է Ամենայն Հայոց Կաթողիկոս Վազգեն Առաջինը:
1910– ծնվել է արձակագիր Քրիստափոր Թափալցյանը։
1918– գնդակահարվել են Բաքվի 26 կոմիսարները, որոնց մեջ է եղել քաղաքական գործիչ, հեղափոխական Ստեփան Շահումյանը:
1922 —ծնվել է հայազգի խորհրդային և ռուսական բանաստեղծ-ճակատային, երգերի հեղինակ, գրող Գրիգոր Պոժենյանը, որի հայրը՝ Միքայել Պոժենյանը հանդիսացել է Խարկովի տրակտորների գործարանի հիմնադիրներից մեկը:
1954- ծնվել է բանաստեղծ Զավեն Բեկյանը:
1957- վախճանվել է երգչուհի, մանկավարժ Նադեժդա Կարդյանը:
1969– ծնվել է նկարիչ Նարեկ Ավետիսյանը։
1984 – վախճանվել է նկարիչ Ալեքսանդր Շաքարյանը:
1990- ներքին գործերի նախարարության կազմում կազմավորվել է Հայոց կանոնավոր բանակի հիմք հանդիսացած «Հատուկ գունդ»-ը:
1991- Քարաքենդ գյուղի մոտ վթարի է ենթարկվել Ми-8 ուղղաթիռը, որի մեջ են գտնվելիս եղել Ադրբեջանի կառավարության բարձրաստիճան պաշտոնյաներ և ռուս-ղազախական խաղաղապահ առաքելության ներկայացուցիչներ:
2006-Ստեփանավանում բացվել է արհեստական խոտածածկով առաջին խաղադաշտը, որը նման առաջին մարզադաշտն է եղել Հայաստանի մարզերում:
2007- տեղի է ունեցել Հայաստանի ֆուտբոլի հավաքականի գլխավոր մարզիչ Յան Պորտերֆիլդի հուղարկավորության արարողությունը, որին մասնակցելու համար Մեծ Բրիտանիա է մեկնել պատվիրակություն Հայաստանից:
2010- հայկական «Արարատ» կոնյակը ստացել է EACA Euro Effies-ի արծաթյա մրցանակ:
2011-բացվել է Մատենադարանի նորակառույց գիտական մասնաշենքը (ճարտարապետ Արթուր Մեսչյան)։
2013- կայացել է Rock Aid Armenia նախագծի շրջանակում կառուցված Գյումրիի թիվ 6 երաժշտական դպրոցի բացումը, որին մասնակցել է աշխարհահռչակ Deep Purple ռոք-խմբի մենակատար Յան Գիլանը:
2020-վախճանվել է բժիշկ, բժշկական գիտությունների դոկտոր, Հայաստանի առողջապահության նախկին նախարար Նորայր Դավիդյանը:
ԱՇԽԱՐՀՈՒՄ
622 – տեղի է ունեցել Մուհամեդի և նրա հավատակիցների վերաբնակեցում (հիդժրա) Մեքքայից Մեդինա:
1066- Նորվեգիայի և Անգլիայի միջև տեղի է ունեցել Ֆուլֆոդի ճակատամարտը, որի պատճառը եղել է Նորվեգիայի թագավոր և վիկինգների առաջնորդ Հարալդ 3-րդի բարձրացրած խռովությունները Անգլիայի կառավարության դեմ։
1187– Սալահ ադ Դինը սկսել է Երուսաղեմի պաշարումը, ինչը երրորդ խաչակրաց արշավանք սկսելու առիթ է հանդիսացել։
1258- օծվել է 38 տարվա ընթացքում գոթական ոճով Սոլսբերի քաղաքում կառուցված Աստվածամորը նվիրված Սոլսբերիի տաճարը, որը անգլիական գոթիկայի փայլուն օրինակ է։
1378- Ուրբանուս 6-րդը և Կլեմենտ 7-րդը միաժամանակ ընտրվել են Հռոմի պապեր:
1519 - Ֆեռնան Մագելանն սկսել է իր շուրջերկրյա ճանապարհորդությունը:
1778 –ծնվել է գերմանական ծագմամբ ռուս ծովագնաց Ֆադդեյ Բելլինսհաուզենը, որը հանդիսանում է Անտարկտիդայի հայտնագործողներից մեկը:
1792- Ֆրանսիայում թույլատրվել են ամուսնալուծությունները:
1842 –ծնվել է անգլիացի գյուտարար Ջեյմս Դյուարը, որը հանդիսանում է առաջին թերմոսների հայտնագործողներից մեկը:
1854-Ղրիմյան պատերազմի ընթացքում տեղի է ունեցել ճակատամարտ Ալմայում, որին մի կողմից մասնակցել են Անգլիայի, Ֆրանսիայի և Թուրքիայի կոալիցիոն ուժերը, իսկ մյուս կողմից Ռուսաստանը:
1870 –իտալական զորքերը, գրավելով պապական տարածքները մտել են Հռոմ, հայտարարելով այն իրենց մայրաքաղաք, ավարտվել է Իտալիայի միավորումը, իսկ Հռոմի պապը առանձնացել է իր պալատում՝ Վատիկանում և հայտարարել իրեն և իր աջակիցներին «վատիկանյան բանտարկյալներ»:
1934 – ծնվել է իտալա-շվեյցարացի երգչուհի, դերասանուհի Սոֆի Լորենը:
1946– տեղի է ունեցել առաջին Կաննի կինոփառատոնը։
1957– վախճանվել է ֆինն նշանավոր կոմպոզիտոր, ջութակահար և դիրիժոր Յան Սիբելիուսը։
1971 –վախճանվել է հույն նշանավոր բանաստեղծ Յորգոս Սեֆերիսը:
1990– Հարավային Օսիան անկախացել է Վրաստանից։
1999 –բելգիական Անտվերպենում սկսել է գործել «մարմնավաճառների դպրոց», որտեղ ուսում են ստանալ ոչ միայն «սկսնյակները», այլ նաև այն մարմնավաճառները, որոնք ցանկանում են բարձրացնել իրենց պրոֆեսիոնալ մակարդակը: Հասարակական կազմակերպությունների ճնշման տակ դպրոցը 3 ամսից փակվել է:
2000 –վախճանվել է խորհրդային տիեզերագնաց Գերման Տիտովը:
2002 –Հյուսիսային Օսիայի Կարմադոնյան լեռնանցքում Կոլկա սառցադաշտի հոսքի հետևանքով ձնահոսքի տակ են մնացել Սերգեյ Բոդրովը և «Կապավոր» ֆիլմի նկարահանող խումբը:
2008– Պակիստանի մայրաքաղաք Իսլամաբադում գտնվող Մարրիոտ հյուրանոցում տեղի է ունեցած ահաբեկչական գործողության՝ պայթյունի, հետևանքով զոհվել է 54, և տարբեր աստիճանի վնասվածքներ են ստացել 266 մարդ։
2021-Ռուսաստանի Պերմի պետական համալսարանում տեղի է ունեցել մասսայական սպանություն, որի արդյունքում զոհվել է 6 և վիրավորվել 47 մարդ, սպանվել է նաև այդ ահաբեկչությունը իրականացրած Թիմուր Բասմանսուրովը:
Նյութը հրապարակման պատրաստեց Կամո Խաչիկյանը
