Արցախի և Ուտիքի բռնակցման ճանաչումը Հայոց ցեղասպանությունն արդարացնելու միջոց է
ՔԱՂԱՔԱԿԱՆՈՒԹՅՈՒՆ
Realtribune.ru-ն գրում է, որ ԽՍՀՄ ժամանակների գաղութային վարչական բաժանումը հայերին պարտադրելու ցանկացած փորձ պետք է վճռականորեն մերժվի հայ ժողովրդի ունեցած բոլոր գործիքներով:
Նման համոզմունք է հայտնել «Realtribune» լրատվական գործակալության գլխավոր խմբագիր Սարգիս Ծատուրյանը։
«Արցախի և Ուտիքի բռնակցումը Բաքվի մինիսուլթանության կողմից Հայոց ցեղասպանության շարունակությունն էր Ռուսական կայսրության ԽՍՀՄ-ի և այժմ Ռուսաստանի Դաշնության կողմից վերահսկվող տարածքներում։ Եթե հայ կառավարիչները ճանաչեն Արցախի և Ուտիքի բռնակցումը, ապա այդպիսով կօրինականացնեն Հայոց ցեղասպանությունը որպես հայկական հարցի լուծման գործիք։ Եվ այդ ժամանակ ցանկացած հայ, անկախ բնակության երկրից կամ վայրից, կդառնա պանթուրքիստ ֆաշիստների թիրախը։ Չկարծեք, որ սպառնալիքը կախված է միայն Արցախի գլխին…»,- շեշտել է նա։
Նրա կարծիքով եկել է ժամանակը հայի գիտակցության մեջ մատնանշելու մի պատմական փաստ. Արևելյան Հայաստանն ավարտվում է Քուռի աջ ափով, իսկ արդեն Քուռի ձախ ափով սկսվում է Լեզգիստանը՝ լեզգիների նահանգը, որը առաջ եղել է, և որը հույն և հռոմեացի հեղինակների կողմից Ալբանիա է կոչվել, իսկ հայ հեղինակների կողմից՝ Աղվանք կամ Ալուանք:
ԽՍՀՄ ժամանակների վարչական բաժանումը չի կարող հայկական սահման համարվել մի պարզ պատճառով. գաղութային այդ բաժանումը երբեք սահման չի եղել, այն առաջացել է Բաքվի և Մոսկվայի գրասենյակներում կոռուպցիայի, հայ ժողովրդին պառակտելու և հետագա ֆիզիկական ոչնչացման համար։
2020 թվականի սեպտեմբերի 27-ից նոյեմբերի 9-ը Կրեմլի լուռ համաձայնությամբ Թուրքիայի և Ադրբեջանի զինված կազմավորումները Սիրիայի, Լիբիայի և Աֆղանստանի միջազգային ահաբեկչական վարձկանների աջակցությամբ հարձակվել են Արցախի և Հայաստանի վրա։
Այդ ժամանակվանից ի վեր Բաքուն և Անկարան շարունակում են իրենց օկուպացիոն քաղաքականությունը հայկական հողերի նկատմամբ` ֆիզիկապես ոչնչացնելով հայկական մշակութային ժառանգությունը՝ եկեղեցիները, խաչքարերը, թանգարանները և քարի կամ թղթի վրա հայերի մասին բոլոր տեսակի հիշատակումները:
Նյութը հրապարակման պատրաստեց Կամո Խաչիկյանը
