Փորձագետը պատմել է Երևանում հակառուսական հանրահավաքի արգելքի մասին
ՔԱՂԱՔԱԿԱՆՈՒԹՅՈՒՆ
Regnum.ru-ն գրում է, որ Երևանում հակառուսական հանրահավաք անցկացնելու իշխանությունների համաձայնությունը հետ է կանչվել Ռուսաստանի և Հայաստանի ղեկավարների հեռախոսազրույցից հետո։ Այդ մասին REGNUM-ի թղթակցին ասել է «Ազատագրում» շարժման առաջնորդ, @mikayelbad հեռագրային ալիքի հեղինակ Միքայել Բադալյանը։
«Հանրահավաքից մեկ շաբաթ առաջ տեղեկացանք, որ այն համաձայնեցված է Երևանի քաղաքապետարանի հետ։ Շատ մարդիկ սկսեցին գրել այդ մասին։ Սկզբում այն ներկայացվում էր որպես հակապատերազմական՝ Ուկրաինայում հատաուկ գործողության կես տարվա հետ կապված, բայց քչերն էին նկատել, որ օգոստոսի 24-ը, այսպես կոչված, Ուկրաինական ԽՍՀ-ի անկախության օրն է։ Եվ այդ հանրահավաքի իրական գաղափարը հենց այդ օրը Հայաստանում հակառուսական աղմուկ բարձրացնելն էր։ Գրեցինք այդ մասին, դա նկատեցին և վերցրին։ Հետո ողբերգություն եղավ՝ պայթյուն Սուրմալուի շուկայում, իսկ հետո դրա տակ սկսեցին տարածվել հակառուսական տրամադրություններ, որ դրա մեղավորը Ռուսաստանն է։ Այդ ամենի դեմ բողոքի նոտա է հայտարարել ՌԴ դեսպանատունը։ Մենք շարունակեցինք աշխատել և ցույց տալ, թե ով է կանգնած դրա հետևում։ Բազմաթիվ նյութեր ենք հրապարակել այն մասին, որ այստեղ գտնվող ռուս «լիբերալները» փորձում են իրավիճակը լարել թե՛ Հայաստանում, թե՛ Ռուսաստանում։ Օգոստոսի 24-ի առավոտյան Վլադիմիր Պուտինը հեռախոսազրույց է ունեցել Նիկոլ Փաշինյանի հետ, իսկ Երևանի ժամանակով ժամը 12-ին հանրահավաքի թույլտվությունը հետ է կանչվել։ Բոլոր նրանք, ովքեր եկել էին հանրահավաքի, իսկ դա մոտ 50 հոգի էին, անմիջապես բերման են ենթարկվել ոստիկանություն։ Ոչ մեկին թույլ չտրվել հակառուսական և հակապուտինյան պաստառներ բարձրացնել, ոչ մեկին թույլ չի տվել քարոզարշավ իրականացնել»,- ասել է Միքայել Բադալյանը:
Նյութը հրապարակման պատրաստեց Կամո Խաչիկյանը
