«Ես «ամուսնացած» եմ, սիրում եմ իմ «ամուսնուն», իմ աչքը դուրս չէ». Զարուհի Փոստանջյան. «Հրապարակ»
ՄԱՄՈՒԼԻ ՏԵՍՈՒԹՅՈՒՆ
«Հրապարակ» թերթը գրում է. «Ելք» դաշինքը ցանկանում էր խնդրել ձեր ձեռքը, ի՞նչ եք պատասխանել նրանց՝ հարցրինք Զարուհի Փոստանջյանին:
«Ես «ամուսնացած» եմ, սիրում եմ իմ «ամուսնուն», իմ աչքը դուրս չէ, եւ ես չեմ կորցրել հույսս, որ «Ժառանգությունում» ինչ-որ բան կփոխվի»: Ե՞րբ է տեղի ունենալու ձեր խորհրդի հերթական նիստը` ի՞նչ որոշմամբ: «Այս պահին դեռ պարզ չէ»:
Տեղեկություններ կան, որ եթե «Ժառանգությունը» որեւէ մեկի հետ դաշինք կազմի, հնարավոր է Դուք դուրս գաք քաղաքականությունից։ «Պետք չէ ժամանակից առաջ ընկնել»: Ասում են` ԱՄՆ դեսպանատունն արդեն իսկ ձեզ առաջարկել է զբաղվել մարդու եւ միջազգային իրավունքների հարցերով: «Չկա նման բան, ես մնալու եմ քաղաքականության մեջ` բոլոր դեպքերում»: Ի՞նչ կարգավիճակով: «Ցանկացած»:
Ամբողջությամբ կարող եք կարդալ «Հրապարակ» թերթի այսօրվա համարում:
