Պատմության այս օրը (օգոստոսի 6)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - Միջուկային զենքի արգելման համար պայքարի համաշխարհային օր, «Աշխարհի բժիշկները խաղաղության համար» կազմակերպության համաշխարհային օր, Բոլիվիա՝ Անկախության օր (Իսպանիայից՝ 1825 թ.), Յամայկա՝ Անկախության օր (Միացյալ Թագավորությունից՝ 1962 թ.), Արգենտինա՝ Երեխայի օր, Ռուսաստան՝ Երկաթուղային զորքերի օր։
ՀԱՅԱՍՏԱՆՈՒՄ
1917-ծնվել է քանդակագործուհի, գրող Նվարդ Զարյանը։
1919– ծնվել է ռումինահայ նկարիչ Չիկ Տամատյանը:
1969 – ծնվել է եռացատկորդ Արմեն Մարտիրոսյանը։
1997 – վախճանվել է թատերական նկարիչ Սիմոն Ալաջալովը։
2002- Բաղրամյան զորավարժարանում սկսվել է հայ-ռուսական հրամանատարաշտաբային զորավարժությունները՝ օդուժի և մարտական կրակի կիրառմամբ:
2003- Վանաձորի զորամասերից մեկի պարեկային ծառայությունում երեք ժամկետային զինծառայող է սպանվել: Ըստ Հայաստանի պաշտպանության նախարարության լրատվության և քարոզչության վարչության տեղեկատվության՝ զինծառայողները սպանվել են «անհայտ անձանց կողմից արձակած կրակոցների հետևանքով»:
2007- Հայաստանի Կենտրոնական ընտրական հանձնաժողովի անդամ Գարեգին Ազարյանը վերընտրվել է հանձնաժողովի նախագահ:
2008– վախճանվել է իրավագիտության դոկտոր, միջազգային իրավունքի պրոֆեսոր, դիվանագետ, Հայոց ցեղասպանության վերաբերյալ բազմաթիվ ուսումնասիրությունների հեղինակ Յուրի Բարսեղովը:
2009-Կառավարությունը ազդարարել է Հյուսիս-Հարավ ավտոմայրուղու շինարարության մեկնարկը։
2018- լույս է տեսել ամերիկահայ բարերար, Հայաստանի ազգային հերոս, միլիարդատեր Քըրք Քըրքորյանի մասին գրված Ուիլյամ Ռեմփլենի «Խաղացողը» գիրքը։
- Ֆրանսիայում վախճանվել է Միսաք Մանուշյանի հերոսական խմբի վերջին անդամը՝ Արսեն Չաքրյանը։
2021- «Հայաստան» և «Պատիվ ունեմ» խմբակցությունների ԱԺ փոխնախագահի պաշտոնում առաջադրված թեկնածու Իշխան Սաղաթելյանը երրորդ քվեարկությունից հետո ընտրվել է Ազգային ժողովի փոխնախագահ։
ԱՇԽԱՐՀՈՒՄ
939-իսպանացիները ջախջախել են մավրերին Սալամանկիի ճակատամարտում։
988– պայմանականորեն ընդունված է համարել Ռուսիայում քրիստոնեության հռչակման օր:
118 - չինացի և ճապոնացի աստղագետները արձանագրել են գերնոր աստղի առաջացման լուսարձակում։
1221 —վախճանվել է կաստիլիական ազնվական Դոմինիկը, որը հիմնադրել է Դոմինիկանցիների օրդենը։
1496—Բարտոլոմեո Կոլոմբոսը հիմնադրել է Սանտյագո-Դոմինգո քաղաքը՝ ներկայիս Դոմինիկյան Հանրապետության մայրաքաղաքը։
1497—Բրիստոլ է վերադարձել Ջոն Կաբոտի արշավախումբը, որը հայտնաբերել էր Կանադան։
1538– հիմնադրվել է Կոլումբիայի մայրաքաղաք Բոգոտան։
1585 —վախճանվել է Սիբիրի նվաճող Երմակ Տիմոֆեևիչը։
1657 – վախճանվել է զապորոժցի զորավար և պետական գործիչ Բոգդան Խմելնիցկին։
1660-վախճանվել է իսպանացի նկարիչ Դիեգո Վելասկեը։
1698- ծնվել է Իրանի շահ Նադիրը։
1723—ռուսական բանակի պարսկական արշավաքի ժամանակ ռուսները գրավել են Բաքուն։
1806– փաստացի դադարել է գոյություն ունենալ Սրբազան Հռոմեական կայսրությունը, քանի որ այդ կայսրության վերջին կայսր Ֆրանց 2-րդը հրաժարվել է գահից։
1825 —Չուկասակե քաղաքի կոնգրեսը հայտարարել է Վերին Պերուի անկախությունը, և երկիրը անվանել է Բոլիվիա։
1861 - Միացյալ Թագավորությունը զավթել է Լագոսը՝ Նիգերիան։
1881 —ծնվել է շոտլանդացի մանրէաբան Ալեքսանդր Ֆլեմինգը, որը հայտնաբերել է պեննիցիլին հակաբիոտիկը։
1889-կայացել է բռնցքամարտիկների վերջին մարտը առանց բռնցքամարտի ձեռնոցների։
1890- հանցագործ Ուիլյամ Քեմլերը դարձել է էլեկտրական աթոռի վրա մահապատժի ենթարկված առաջին անձը։
1896 — Մադագասկարը հայտարարվել է ֆրանսիական գաղութ։
1917—Ռուսաստանում կազմավորվել է երկրորդ կոալիցիոն Ժամանակավոր կառավարությունը Կերենսկու գլխավորությամբ։
1918—Ռուսաստանի քաղաքացիական պատերազմի ժամանակ սպիտակգվարդիականները գրավել են Կազան քաղաքը։
1925 —սպանվել է քաղաքացիական պատերազմի հերոս զորահրամանատար Գրիգորի Կոտովսկին։
1940 - Խորհրդային Միությունը գրավել է Էստոնիան։
1945– ԱՄՆ-ն ատոմային ռումբ է նետել ճապոնական Հիրոսիմա քաղաքի վրա:
1962 – Յամայկան հռչակել է իր անկախությունը Մեծ Բրիտանիայից։
1973— վտարանդության մեջ վախճանվել է Կուբայի նախկին դիկտատոր Բատիստան։
1991– բրիտանացի գիտնական, գյուտարար Թիմ Բերներս Լին կիրառության մեջ է դրել Համաշխարհային սարդոստայնի ծրագիրը։
1996-չեչեն գրոհայինները սկսել են գրոհը Գրոզնի քաղաքի վրա։
2012- վախճանվել է ամերիկացի վիրտուոզ ջութակահար Ռուջերո Ռիչին։
Նյութը հրապարակման պատրաստեց Կամո Խաչիկյանը
