ՀՀ կառավարությունը փորձել է «Центр-Инвест» բանկից պատվաստանյութերի մատակարարումը խափանելու համար գանձել 39 մլն ռուբլի
ՔԱՂԱՔԱԿԱՆՈՒԹՅՈՒՆ
Panram.ru-ն գրում է, որ Դոնի Ռոստովում արբիտրաժային դատարանը քննել է Հայաստանի կառավարության հայցն ընդդեմ «Центр-Инвест» բանկի։ Հայաստանի պաշտոնյաները պահանջել են վճարել 39 մլն ռուբլի Ռուսաստանի Դաշնությունից պատվաստանյութերի մատակարարման ենթադրյալ խափանման համար։
Հայցում Հայաստանի էկոնոմիկայի նախարարությունը բացատրել է, որ 2020 թվականի առաջին կիսամյակում Ռոստովյան ընկերություններից մեկը պետք է գյուղատնտեսական պատվաստանյութերի խմբաքանակ մատակարարեր Հայաստանին, իսկ «Центр-Инвест»-ը եղել է գործարքի երաշխավորը։ Այսինքն պայմանագիրը խախտելու դեպքում բանկը պարտավոր էր ծածկել տույժերը։ Հայցում ասվում է, որ պատվաստանյութերը, իբր, չեն մատակարարվել Հայաստան, և այդ պատճառով կառավարությունը փոխհատուցում է պահանջել։
Հայաստանի կառավարության ներկայացուցիչները, ըստ դատական արձանագրությունների, ներկա չեն եղել նիստին։ Իսկ բանկի աշխատակիցները պնդել են, որ գումարը վճարելու առաջարկ ստացել են էլեկտրոնային փոստով։ Ավելին, Զեռնոգրադում գտնվող բանկի մասնաճյուղ են եկել փաստաթղթերի շատ կասկածելի սկանավորումներ։ Ըստ բանկիրների՝ հայ պաշտոնյան պատճեններ է ուղարկել գոյություն չունեցող բլանկների վրա սխալ ամսաթվերով։
Դատարանը, ի վերջո, մերժել է Հայաստանի կառավարության հայցը։
Դատական նյութերում չի նշվել, թե արդյո՞ք պատվաստանյութն ի վերջո հասցվել է Հայաստան։ Դատելով դատարանի նյութերից՝ պաշտոնյաները չեն արձագանքել դատավորի հարցումներին։
Նյութը հրապարակաման պատրաստեց Կամո Խաչիկյանը
