Քաղցր բերք. Հայաստանում ձմերուկի բերքահավաքի գագաթնակետն է
ՀԱՍԱՐԱԿՈՒԹՅՈՒՆ
Mir24.tv-ն գրում է, որ Հայաստանում սեխի ու ձմերուկի հավաքման գագաթնակետն է: Ճիշտ է, այս տարի այնքան ձմերուկ չկա, որքան գյուղացիներն էին սպասում։ Գարնանային սառնամանիքներն են մեղավոր։ MIR 24-ի թղթակից Նոնա Հովհաննիսյանը շրջել է դաշտերով։
Ձմերուկներն այս տարի այնքան մեծ չեն, որքան անցյալ տարի, և այդ ամենը սառը գարնան և ջերմաստիճանի հանկարծակի փոփոխությունների պատճառով: Եղանակային պայմանները շատ կարևոր են այդ պտուղների համար, նրանք չեն հանդուրժում քամին ու ցրտը: Հենց դրա պատճառով է, որ ֆերմերները կորցրել են իրենց բերքի ավելի քան 50%-ը։ Իսկ պտուղների կեսը պայթում է հենց դաշտում։ «Խոտանված» ձմերուկները հավաքում և ուղարկում են ընտանի կենդանիներին կերակրելու։ Դրանք չեն կարող օգտագործվել ոչ պահածոների, ոչ էլ չորացրած մրգերի պատրաստման համար։
«Այս տարի մեկ հեկտարից մոտ 20 տոննա բերք ենք հավաքում։ Մենք աճեցնում ենք ձմերուկի Քլինթոն տեսակը: Երկրում սիրում ենայդ պտուղները, դրանք շատ քաղցր են, իսկ սերմերը փոքր»,- ասել է հողագործ Բարի Դարվեշյանը։
Բերքահավաքը պետք է արագ անել, հակառակ դեպքում կեսօրից արևն անտանելի է դառնում։ Առաջին բերքը հասունացել է սերմերը տնկելուց ուղիղ երկու ամիս անց։ «Մեր դաշտում դդումը հերթափոխով է հասունանում։ Դա միտումնավոր է արվել, որ կարողանանք ապրանքը հավաքել ու շուկայում վաճառել»,- պարզաբանել է գյուղացիական տնտեսության աշխատող Միքայել Սանդրոսյանը։
Ֆերմերները ձմերուկը վաճառում են տեղական շուկայում: Արտահանման համար պահանջվող ծավալներ չկան։ Հանրապետությունում մեկ կիլոգրամ այդ գծավոր հատապտուղի համար պետք է վճարել 150 դրամ, որը կազմում է մոտ 20 ռուբլի։ Ձմերուկի բերքահավաքը Հայաստանում կտևի մինչև ամառվա վերջը։
Նյութը հրապարակման պատրաստեց Կամո Խաչիկյանը
