Մանվել Գրիգորյանի ունեցվածքը պատրաստվում են բռնագրավել նրա ժառանգներից
ՔԱՂԱՔԱԿԱՆՈՒԹՅՈՒՆ
Capost.media-ն գրում է, որ հանգուցյալ գեներալ Մանվել Գրիգորյանի ունեցվածքի ընդհանուր արժեքը գերազանցում է 6 միլիոն դոլարը։ Երևանում գտնվող ընդհանուր իրավասության դատարանը կքննի նրա ժառանգներից և նրա հետ կապված անձանցից ապօրինի գույքը բռնագանձելու պահանջը։ Հայցը ներկայացրել է Հայաստանի գլխավոր դատախազությունը։
Դատախազությունը պահանջում է հօգուտ պետության առգրավել 28 անշարժ գույք, ինչպես նաև 16 տրանսպորտային միջոց։ Եթե որոշ գույք անհնար լինի բռնագրավվել, ապա դատարանը պետք է գանձի գումարը գույքի շուկայական արժեքի չափով։ Ընդհանուր առմամբ, ապօրինի ողջ ունեցվածքը գնահատվում է մոտ 6 մլն դոլար։ Բացի այդ, հօգուտ պետության կարող է վերականգնվել գրեթե 1,6 մլն դոլար, որը վարկերի տեսքով փոխանցվել է իրավաբանական անձանց։ Նշվում է, որ մոտ 130 հազար դոլարի վրա չի կարելի կալանք դնել ապօրինի գույքի բռնագրավման մասին օրենքով։ Այնուամենայնիվ, դատարանը կարող է պատասխանողից վերադարձնել այդ գույքի շուկայական արժեքը:
Մանվել Գրիգորյանի դեմ քրեական գործը հարուցվել է 2018 թվականին, երբ նա ՀՀԿ-ական պատգամավոր էր։ Նա մեղադրվում էր ապօրինի զենք-զինամթերք պահելու, հարկերից խուսափելու և առանձնապես խոշոր չափերի գույք հափշտակելու մեջ։ Մեղադրանք է առաջադրվել նաև նրա կնոջը՝ Նազիկ Ամիրյանին։ Գրիգորյանը կալանավորվել է, սակայն գրավի դիմաց ազատ է արձակվել 2020 թվականի հունվարին։ Պատճառը եղել է վատառողջությունը։ Գրիգորյանն ուներ մի քանի ծանր հիվանդություններ, այդ թվում՝ քաղցկեղ և շաքարախտ։
Նա մահացել է 2020 թվականի նոյեմբերին։
Նյութը հրապարակման պատրաստեց Կամո Խաչիկյանը
