Ռուսամետ դիրքորոշման համար ձերբակալված հայ երաժիշտը մահացել է հենց դատարանում

Politnavigator.net-ը գրում է, որ Երևանում, նախնական դատական ​​նիստի ժամանակ մահացել է պրոդյուսեր և երաժիշտ Արմեն Գրիգորյանը՝ հայտնի ռուսամետ հասարակական գործիչը։ Նա կորցրել է գիտակցությունը և ընկել աթոռից։ Ժամանած շտապօգնության խումբը չի կարողացել փրկել ամբաստանյալին։ Ողբերգությունը տեղի է ունեցել Գրիգորյանի մոր ներկայությամբ: Ամբաստանյալին մեղադրանք էր առաջադրվել ՀՀ քրեական օրենսգրքի 226-րդ հոդվածի 2-րդ մասով՝ ընտրողներին վիրավորելու համար։ Չնայած բազմաթիվ տեղեկություններին, որ կան առողջական խնդիրներ, նա կալանքի տակ էր պահվում այս տարվա մայիսի 17-ից։ Հայաստանի կոմունիստական ​​կուսակցության նախագահ Երջանիկ Ղազարյանը տեղի ունեցածի մասին PolitNavigator-ին պատմել է.  «Նրան ձերբակալել են մտածացին պատրվակով։ Իսկ փաստացի երաժշտի կալանավորման պատճառը նրա ակտիվ հակակառավարական ​​դիրքորոշումն է եղել։ Գրիգորյանը բացահայտ հակադարձել է վարչապետ Փաշինյանին նրան անվանելով դավաճան և ամերիկամետ քաղաքական գործիչ, ով ամեն ինչ արել է Հայաստանի և Ռուսաստանի հարաբերությունները փչացնելու համար»։

Գրիգորյանը Ղարաբաղում տեղի ունեցած ողբերգության ողջ պատասխանատվությունը դրել էր Փաշինյանի և նրա «Քաղաքացիական պայմանագիր» կուսակցության վրա և կոչ արեց ժողովրդին դուրս գալ փողոց երկրի ղեկավարության փոփոխության համար։ Նա այն կարծիքին էր, որ պատերազմում պարտված և ամբողջությամբ սնանկացած քաղաքական գործիչը չպետք է ղեկավարի երկիրը և ներկայացնի այն միջազգային ասպարեզում։ Ղազարյանի խոսքով այս տարվա մայիսի 9-ին Գրիգորյանը եկել էր հանրահավաքին Երևանի «Հաղթանակի զբոսայգում»  և աջակցել Ուկրաինայում Ռուսաստանի Դաշնության ռազմական գործողությանը։

«Դա արվեստի մարդու արժանի և համարձակ քայլ էր։ Հենց դատավարության ժամանակ մի արժանավոր մարդ մահացավ։ Նա պատժվեց իր անզիջում դիրքորոշման համար»,- եզրափակել է կոմունիստների առաջնորդը։

Կ.Խաչիկյան