Փորձագետ. Վրաստանի իշխանությունները հասկացան, որ չեն ստանա ԵՄ թեկնածուի կարգավիճակ

Regnum.ru-ն գրում է, որ Վրաստանի կառավարությունը, հասկանալով, որ երկիրը չի ստանա ԵՄ թեկնածուի կարգավիճակ, կարող է ավելի սերտ համագործակցել Ռուսաստանի հետ։ Այդ մասին REGNUM-ի թղթակցին ասել է Էթնիկ եւ միջազգային հետազոտությունների կենտրոնի գիտական ​​ղեկավար, «Архонт» ամսագրի գլխավոր խմբագիր Անտոն Բրեդիխինը։

«Վրաստանը Մոլդովայի հետ միասին ցանկանում էր Ուկրաինայից հետո սողոսկել ԵՄ: Նրանք փորձել են հանդես գալ որպես այնպիսի որոշակի քարշակվող վագոններ, որոնք ևս ունեն որոշ հատուկ իրավունքներ, հատուկ կարգավիճակ և հատուկ իրավիճակ։ Միաժամանակ արդեն նկատելի է, որ Վրաստանը բացահայտ մերժում է ստացել: Վրաստանի ղեկավարությունը, ըստ երեւույթին, հասկացել է, որ Եվրամիությունը Վրաստանին թեկնածուի կարգավիճակ չի շնորհի։ Այդ առումով նա շատ հետաքրքիր գիծ է հետապնդել Ռուսաստանի Դաշնության հետ կապված, այդ թվում տնտեսական ոլորտում։ Հնարավոր է, որ Ռուսաստանի առևտուրը զարգանա Վրաստանի տարածքով։ Միաժամանակ Վրաստանն ավելի ու ավելի է նայում «վեցյակի հարթակին» և, հավանաբար, կմասնակցի այդ Ռուսաստանի մասնակցությամբ  ինտեգրացիոն նախագծին։ Ուստի այս ամենը սպասելի էր, սողոսկել չի հաջողվել, բայց ժամանակին ապահովագրվել կարողացել են»,- ասել է փորձագետը։

Հիշեցնենք, որ 3 + 3 հարթակը (Վրաստան, Հայաստան, Ադրբեջան + Ռուսաստան, Թուրքիա, Իրան) նախատեսված է տարածաշրջանային անվտանգության հարցերով խորհրդակցությունների համար։

Կ.Խաչիկյան