Ադրբեջանի արտգործնախարար Ջեյհուն Բայրամովը հայտարարել է, որ Հայաստանի հետ խաղաղության պայմանագրի շուրջ բանակցություններում առանձնապես առաջընթաց չկա.
«Բայց մենք կարծում ենք, որ այս համատեքստում հայ հասարակության մեջ որոշակի փոփոխություններ են տեղի ունեցել։ Կարծում եմ, որ բոլորը պետք է հասկանան, որ երկարաժամկետ խաղաղությունն ու տարածաշրջանի զարգացումն այլընտրանք չունեն»,- ասել է Ադրբեջանի արտգործնախարարը։
Ադրբեջանագետ Գառնիկ Դավթյանի խոսքով՝ խաղաղություն Ադրբեջանի հետ առնվազն 50 տարի հնարավոր չէ, քանի որ այդ երկրում երկու սերունդ մեծացել է առանձնապես դաժան հայատյացության կրթական, հասարակական և քաղաքական համակարգում.
