«Պետպատվերի շուկա են մտնելու էժան և, իբրև թե, հայկական նոութբուքերը». Ռուսաստանը սպասում է ԵԱՏՄ-ից համակարգիչների և սերվերների հոսքի

Ixbt.com-ը գրում է, որ Արդյունաբերության, առևտրի և թվային փոխակերպման նախարարությունները ANO Computing Technology ընկերության հետ միասին քննարկում են Եվրասիական տնտեսական միության (ԵԱՏՄ) երկրներում արտադրված համակարգիչների և էլեկտրոնիկայի պետական ​​գնումների շուկա մուտքի չափանիշները։

Բանն այն է վարչապետ Միխայիլ Միշուստինի ստորագրած որոշումը, ըստ որի՝ Ռուսաստանում արտադրվող նման արտադրանքը պետական գնումներում նախապատվություններ է ստանում ԵԱՏՄ սարքավորումներից, դադարելու է գործել հուլիսի 1-ից։ Փաստաթղթի համաձայն ԵԱՏՄ-ից սարքավորումներ արտադրողները պետական ​​գնումներին մասնակցելու համար պետք է տրամադրեին ST-1 սարքավորումների ծագման վկայագիր, ինչպես նաև ապացուցեն իրենց երկրի ներսում դրանց արտադրության փաստը: Այսինքն հուլիսի 1-ից հետո ԵԱՏՄ-ի բնակիչների համար ՌԴ պետպատվերի շուկա մուտք գործելու համար բավական կլինի տրամադրել ST-1 վկայական, որը տրվում է իրենց երկրի ներսում։

Էլեկտրոնիկա մշակողների և արտադրողների ասոցիացիայի գործադիր տնօրեն Իվան Պոկրովսկին ասել է, որ եթե Ռուսաստանը չերկարաձգի որոշումը, ԵԱՏՄ սարքավորումները կարող են դուրս մղել ռուսականներին պետական ​​գնումներում: Ըստ նրա «հայրենական արտադրանքը կհայտնվի վատ պայմաններում, քանի որ սարքավորումներին ներկայացվող պահանջները մեր մոտ ավելի խիստ են, քան եվրասիական երկրներում»: Կառավարության մեկ այլ աղբյուր էլ հայտարարել է, որ «պետպատվերի շուկա են մտնելու, այսպես ասած,  էժան հայկական նոութբուքերը, որոնք իրականում կլինեն արևմտյան վաճառողների այն սարքավորումները, որոնք պարզապես հավաքված կլինեն Հայաստանի մի մեծ հանգույցում»։

«Basis» կոնսորցիումի տնօրեն Արսենի Բրիկինի խոսքով անհրաժեշտ է համաձայնեցնել ԵԱՏՄ-ից էլեկտրոնիկայի ընդունման միասնական ստանդարտներն ու կանոնները. «Կարևոր է, որ սարքավորումն իսկապես արտադրվի տվյալ երկրում, այլ ոչ թե հավաքման մեծ վայրում»։

Համակարգչային և տեղեկատվական տեխնոլոգիաների ձեռնարկությունների ասոցիացիայի տնօրեն Նիկոլայ Կոմլևը, ընդհակառակը, կարծիք է հայտնել, որ այս պահին անհրաժեշտ է թուլացնել պրոտեկցիոնիստական ​​միջոցները և գործել «միայն թե բավարար քանակությամբ սարքավորումներ լինեն» սկզբունքով։

Նյութը հրապարակման պատրաստեց Կամո Խաչիկյանը

www.1or.am