Հրավեր կա, բայց նախապատրաստություն չկա. Պեսկովը՝ Պուտինի՝ Թուրքիա հնարավոր այցի մասին
ՄԻՋԱԶԳԱՅԻՆ
ՌԴ նախագահ Վլադիմիր Պուտինի՝ Թուրքիա այցի հստակ ժամկետներ դեռ չկան, և նման այցի բովանդակային նախապատրաստում չկա, ՏԱՍՍ-ին ասել է պետության ղեկավարի մամուլի քարտուղար Դմիտրի Պեսկովը։
«Որևէ էական նախապատրաստություն չկա, կա վավեր հրավեր, կա նախագահի մտադրություն այն օգտագործելու, բայց հստակ ժամկետների վերաբերյալ դեռևս փոխըմբռնում չկա», - ասել է Պեսկովը։
Մայիսին Կրեմլի խոսնակը, ի պատասխան նմանատիպ հարցի, նշել էր, որ հրավերն ինքնին այցի կոնկրետ ժամկետներ չի պարունակում։
Թուրքիայի նախագահ Թայիփ Էրդողանը հունվարի վերջին ասել էր, որ հրավիրել է Ռուսաստանի ղեկավարին այցելել երկիր։ Բացի այդ, նա ցանկություն է հայտնել կազմակերպել Պուտինի և Ուկրաինայի նախագահ Վլադիմիր Զելենսկու հանդիպումը։
