Սա է մեր պատկերը և պատասխանը բոլոր հարցերի. ինչպիսի կենցաղ ենք վարում այնպիսին էլ մեր ձեռքբերումներն են. Վարդան Արամյան

Իսկ ի՞նչ կենցաղ ենք վարում մենք եւ ինչ վարքագիծ դրսևորում ամենուր։ Ճիշտ է՝ թափթփված, կեղտի մեջ կորելու նկատմամբ թքած ունենալու կենցաղ, իսկ կեղտոտողի նկատմամբ էլ խորը անտարբերության վարքագիծ։

Հետո էլ զարմանում ենք թե ինչու մեզ մոտ միայն կորուստներ են իսկ ձեռքբերումներ չկան, կամ ինչու է ադրբեջանցին օր օրի նոր բան պահանջում․․․․ Պատասխանը շատ պարզ է․ Որովհետեւ մենք ինքներս "Մեր-ի" նկատմամբ հոգատար չենք, հետևողական չենք, ինքներս թքած ունենք մեր ունեցածի նկատմամբ։ Եվ պետք չէ պատճառաբանել թե "իսկ ինչու քաղաքապետարանը չի մաքրում" նույն կերպ կարելի է հարցնել "իսկ դու ինչու ես ծխում եւ ծխախոտը նետում գետնին, իսկ դու ինչու ես սուրճ խմում եւ բաժակը նետում գետնին, իսկ դու ինչու ես հյութ կամ գարեջուր խմում (այն էլ փողոցում) ու շիշը նետում գետնին եվ վերջիվերջո դու ինչու աչքիդ առաջ տեսնում ես նման անձանց վարքագիծ և անտարբեր ես, դիտողություն չես անում"։

Մի խոսքով սա է մեր պատկերը և պատասխանը բոլոր հարցերի. ինչպիսի կենցաղ ենք վարում այնպիսին էլ մեր նպատականերն ու ձեռքբերումներն են․․․․․․․

Հ․Գ․ Այս նկարներն արված են իմ կողմից Երեւանի կենտրոնում, Բյուզանդ փ․, Մաշտոց փ․, օպերա, հյուսիսային պողոտա տարածքներում։ Եվ սա կենտրոնն է, տուրիստներին ներկայանալու վայրերը․․․․․։

Հ․Գ․2 Ցանկանում եմ տեսնել այն զբոսաշրջիկին, ով շտապում է հանգիստն անցկացնել (ներեղություն կոպիտ արտահայտվելու համար) գոմ հիշեցնող քաղաքում, ուղղակի բախտներս է բերել որ այս տարի արտածին գործոններով պայմանավորված ունենք այցելուների մեծ ներհոսք և դրա հետ կապված տնտեսական ակտիվություն, բայց վաղը դա չի լինելու՝ Հիշեք։

Հ․Գ․3 Առաջարկում եմ բարձր տուգանքներ մտցնել աղտոտող քաղաքացիների նկատմաբ, կատարման հսկողությունը դնել ոստիկանության վրա, իսկ հասարակության մեջ էլ նախաձեռել "պատասխանատու քաղաքացի" ակցիա և ֆլեշմոբ՝ փողոցն աղտոտող քաղաքացուն նկարահանել և տեղադրել սոց ցանցերում ստանդարտացված ամոթանքի մեկնաբանություններով, ընդ որում այդ ակցիան կարելի է անել վճարովի' յուրաքանչյուր արված նկարի համար x դրամ քաղաքապետարանի բյուջեից, միգուցե օգնի․․․․․։