Քաղաքագետ. Ընդդիմությունը վարելու է նույն քաղաքականությունը, ինչ Փաշինյանը
ՔԱՂԱՔԱԿԱՆՈՒԹՅՈՒՆ
Regnum.ru-ն գրում է, որ Հայաստանի ընդդիմությունը հաղթանակի դեպքում արմատապես չի փոխի գործող իշխանության քաղաքական կուրսը: Այդ մասին REGNUM-ի թղթակցին ասել է ՄԳԻՄՕ-ի ռազմաքաղաքական հետազոտությունների կենտրոնի առաջատար փորձագետ Միխայիլ Ալեքսանդրովը։
«Եթե Հայաստանում, օրինակ, ընդդիմությունը գա իշխանության, նա դեռ ստիպված կլինի նույն ճանապարհով գնալ, ինչ Նիկոլ Փաշինյանը։ Որովհետև նա չի կարող լրջորեն որևէ բան փոխել, հայերն արդեն պարտվել են պատերազմում, և պետք է ստորագրվեն Փաշինյանի կնքած բոլոր պայմանագրերը։ Ինչ վերաբերում է այսպես կոչված «բազմաուղղվածության քաղաքականությանը», այն է Երևանի եւ Արևմուտքի միջև նորմալ հարաբերությունների պահպանմանը, ապա նման «բազմաուղղվածության» քաղաքականություն Հայաստանը վարում է վաղուց՝ սկսած Ռոբերտ Քոչարյանի նախագահությունից։ Լևոն Տեր-Պետրոսյանի մասին էլ ընդհանրապես չարժի խոսել։ Ե՛վ Քոչարյանը, և՛ առավել ևս Սերժ Սարգսյանը վարում էին Արևմուտքի հետ հարաբերությունները պահպանելու քաղաքականություն։ Նրանք եղել են Արևելյան գործընկերության կազմում, մասնակցել են ՆԱՏՕ-ի զորավարժություններին, իրենց զինվորներին ուղարկել Աֆղանստան։ Եվս մեկ անգամ պետք է կրկնել, որ ընդդիմության իշխանության գալու դեպքում քաղաքական կուրսի արմատական փոփոխության հնարավորություն չկա»,- ասել է Միխայիլ Ալեքսանդրովը։
Հիշեցնենք, որ ապրիլի 17-ից Հայաստանի ընդդիմությունը զանգվածային բողոքի ցույցեր է անցկացնում պահանջելով Նիկոլ Փաշինյանի հրաժարականը։
Նյութը հրապարակման պատրաստեց Կամո Խաչիկյանը
