Փաշինյանի իշխանության ղեկավար լինելուն մի քանի օր է մնացել. փորձագետ
ՔԱՂԱՔԱԿԱՆՈՒԹՅՈՒՆ
Regnum.ru-ն գրում է, որ Հայաստանի վարչապետ Նիկոլ Փաշինյանը իշխանությունը պահպանելու շատ քիչ շանսեր ունի: Այդ մասին REGNUM-ի թղթակցին ասել է քաղաքագետ Ասլան Ռուբաևը։
«Իրավիճակը Երևանում գնալով վերելք է ապրում և վատթարանում է Փաշինյանի համար: Նրան այլևս չեն ուզում տեսնել իշխանության գլխին, նա սպառել է իր բոլոր փաստարկներն ու բացատրությունները։ Նա իշխանության մնալու շատ քիչ շանսեր ունի, քանի որ այն, ինչ հիմա կատարվում է հայ հասարակության մեջ, խորհրդարանում, լրատվամիջոցներում, իհարկե, Փաշինյանի օգտին չէ։ Շուտով ցուցարարները կլցնեն Երևանի փողոցները, իսկ Փաշինյանին այլ բան չի մնա, քան լքել իր պաշտոնը։ Նա ստիպված է լինելու, ինչպես 2018 թվականին նախագահ Սերժ Սարգսյանը, ինքնակամ հեռանալ, քանի որ իրադարձությունները միայն թափ են հավաքում։ Նրան հաշված օրեր են մնացել, իսկ եթե նա պատվավոր մարդ է ու դեմոկրատ, ինչպես ժամանակին ինքն է ասել, ուրեմն պետք է թողնի իր պաշտոնը։ Հիանալի կլինի, դա կլինի Հայաստանի փրկությունը։ Բայց այդպես կլիներ, եթե նա ազնիվ մարդ լինի, իսկ նա անազնիվ մարդ է»,- ասել է փորձագետը։
Հիշեցնենք, որ ապրիլի 17-ից Երևանում անցկացվում են ընդդիմության զանգվածային ցույցեր Նիկոլ Փաշինյանի հրաժարականի պահանջով։
Նյութը հրապարակման պատրաստեց Կամո Խաչիկյանը
