Իմունոլոգը խոսել է կորոնավիրուսի համավարակի ապագայի մասին

Gazeta.ru-ն գրում է, որ իմունոլոգ, Մեչնիկովի անվան պատվաստանյութերի և շիճուկների գիտահետազոտական ​​ինստիտուտի պատվաստումային կանխարգելման և ալերգիկ հիվանդությունների իմունոթերապիայի լաբորատորիայի վարիչ Միխայիլ Կոստինովը «Կոմսոմոլսկայա պրավդա» ռադիոկայանին տված հարցազրույցում խոսել է կորոնավիրուսային համաճարակի ապագայի մասին։

Նրա խոսքով COVID-19-ը չի վերանա, վիրուսը կմնա։ Միևնույն ժամանակ, պարզ չէ, թե ինչպես կդրսևորվի կորոնավիրուսային վարակը բնակչության շրջանում, նշել է մասնագետը։

«Որովհետև նրանք, ովքեր հիվանդ են եղել, և նրանք, ովքեր պատվաստվել են, ունեն իմունիտետ, որը կարող է տևել որոշակի տարիներ», - բացատրել է նա:

Փորձագետը նաև ասել է, որ հիվանդացության բարձր գագաթնակետերի պետք չէ սպասել։ Դա կարող է տեղի ունենալ միայն այն դեպքում, եթե COVID-19-ի մեկ այլ շտամ հայտնվի։

«Ես վստահ չեմ, որ մահաբերություն կլինի, քանի որ ամբողջ մոլորակն արդեն հանդիպել է այս կորոնավիրուսի հետ, և այնուամենայնիվ անընկալությունը մնում է։ Այո, մարդկանց նոր սերունդը ենթակա է վարակին և կարող է լուրջ հիվանդանալ: Իմ կանխատեսումը այն է, որ վարակը կլինի, մեզ մոտ կշրջանառվի, բայց թեթև կլինի»,- ասել է Կոստինովը։ Նա հավելել է, որ դժվար է լինելու այն մարդկանց համար, ովքեր ունեն առողջական վիճակի շեղումներ։

Ավելի վաղ մոլեկուլային կենսաբան, վիրուսաբան և պրոֆեսոր Պետր Չումակովը կարծիք էր հայտնել, որ աշխարհում կորոնավիրուսի համաճարակը կտևի մոտ մեկուկես տարի։

Նյութը հրապարակման պատրաստեց Կամո Խաչիկյանը

www.1or.am